ജയ്പൂര്: ചാരവനിതകള് നമ്മുടെ രഹസ്യം ചോര്ത്തുന്നത് തടയാന് മുന്കരുതല് എടുക്കുമെന്ന് കേന്ദ്ര പ്രതിരോധമന്ത്രി മനോഹര് പരീക്കര്. ഇക്കാര്യത്തില് നാം ജാഗ്രത പാലിക്കണം. മലയാളിയായ വ്യോമസേനാ ഉദ്യോഗസ്ഥന് കെ കെ രഞ്ജിത്ത് ഫേസ്ബുക്കിലെ ചാരസുന്ദരിയില് കുടുങ്ങി വിലപ്പെട്ട രഹസ്യങ്ങള് ചോര്ത്തി നല്കിയ പശ്ചാത്തലത്തിലാണ് പ്രതിരോധമ്രന്തിയുടെ പ്രതികരണം.
ഉന്നതതലത്തില് ചാരവൃത്തി നടക്കുന്നുണ്ടെന്ന് താന് കരുതുന്നില്ല. ചില കാര്യങ്ങള് പുറത്തുവന്നെങ്കിലും താഴെത്തട്ടിലാണ് ചാരവൃത്തി നടന്നത്. റിക്രൂട്ട്മെന്റ്, പരിശീലന സമയങ്ങളില് ഇനി കൂടുതല് ജാഗ്രത പുലര്ത്തും. സാമൂഹ്യ മാധ്യമങ്ങള് ഉപയോഗിക്കുന്നതിലും കടുത്ത മാര്ഗനിര്ദ്ദേശങ്ങള് നല്കിയിട്ടുണ്ട്. കരസേനാ റിക്രൂട്ട്മെന്റ് ഉദ്ഘാടനം ചെയ്ത് അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: