ആലപ്പുഴ: പഴയ നടക്കാവ് റോഡ് നിര്മ്മാണം ഉടന് പൂര്ത്തീകരിക്കുമെന്ന് ജനസമ്പര്ക്ക പരിപാടിയില് മുഖ്യമന്ത്രി നല്കിയ വാഗ്ദാന ലംഘനത്തിനെതിരെ എംപിയുടെ വസതിക്കു മുന്നില് ബിജെപി നടത്തിയ സമരത്തെക്കുറിച്ചുള്ള കോണ്ഗ്രസ് പ്രതികരണം ജനസമ്പര്ക്ക പരിപാടിയില് മുഖ്യമന്ത്രി നടത്തിയ പ്രഖ്യാപനം പാഴ്വാക്കായതിന്റെ ജാള്യത മറക്കാനാണെന്ന് ബിജെപി അമ്പലപ്പുഴ നിയോജകമണ്ഡലം പ്രസിഡന്റ് എല്.പി. ജയചന്ദ്രന്.
ജില്ലയില് മുഖ്യമന്ത്രി നടത്തിയ വാഗ്ദാനം നടപ്പാക്കാനുള്ള ബാദ്ധ്യതയില് നിന്ന് ഒഴിഞ്ഞു മാറാന് എംപിക്ക് കഴിയില്ല. ജി. സുധാകരന് സംസ്ഥാന മന്ത്രിയായിരുന്ന സമയത്ത് അദ്ദേഹത്തിന്റെ ജനവിരുദ്ധ നയങ്ങള്ക്കെതിരെ അമ്പലപ്പുഴയില് ശക്തമായ സമരം നയിച്ച പാരമ്പര്യമാണ് ബിജെപിക്കുള്ളത്.
അന്ന് അമ്പലപ്പുഴ നിയോജകമണ്ഡലത്തിലെ കോണ്ഗ്രസ് നേതൃത്വം മാളത്തിലൊളിച്ചിരിക്കുകയായിരുന്നുവെന്നും നിവര്ന്നു നിന്ന് ഒരു സമരം നയിക്കാന് പോലും കഴിയാതിരുന്ന കോണ്ഗ്രസ് നേതൃത്വമാണ് യഥാര്ത്ഥത്തില് ജി. സുധാകരന്റെ കളിപ്പാവയെന്നും പഴയനടക്കാവ് റോഡ് നിര്മ്മാണം പൂര്ത്തിയാക്കാതെ ജനത്തിന് ദുരിതമായിട്ടും എംഎല്എ കാട്ടുന്ന ഈ മൗനം ദുരൂഹമാണെന്നും എല്.പി. ജയചന്ദ്രന് പറഞ്ഞു.
പ്രതികരിക്കാൻ ഇവിടെ എഴുതുക: