അമ്പലപ്പുഴ: അമ്പലപ്പുഴ ശ്രീകൃഷ്ണ സ്വാമി ക്ഷേത്രത്തില് ദര്ശനത്തിന് എത്തുന്ന ഭക്തജനങ്ങള് പാലിക്കേണ്ട ചില ആചാര ക്രമങ്ങളുണ്ട്. ക്ഷേത്രത്തിലെത്തുന്ന ഭക്തര് കിഴക്കേ നടയിലുള്ള കുളത്തിലിറങ്ങി കാലും കൈയ്യും കഴുകിയതിന് ശേഷം കിഴക്കേ ആനക്കൊട്ടിലിലെത്തി പ്രധാന പ്രതിഷഠാ മൂര്ത്തിയെ ആദ്യം വന്ദിക്കണം. അതിന് ശേഷം ക്ഷേത്രനിര്മാണത്തിന് കാരണഭൂതനായ വില്വമംഗലം സ്വാമിയാര്ക്ക് കൃഷ്ണദര്ശനം ലഭിച്ച അരയാലിന്റെ ചുവട്ടിലുള്ള ഗണപതിയേയും ശിവനേയും തൊഴുതതിന് ശേഷം അരയാലിന് ഏഴ് വലം വെച്ച് ക്ഷേത്രത്തിന് പടിഞ്ഞാറ് വശത്തുകൂടി വടക്കേ നടയിലൂടെ വേണം നാലമ്പലത്തിനുള്ളില് പ്രവേശിക്കാന്.
വടക്കേ നടയിലുളള മുളയറ ഭഗവതിയേയും ശിവനെയും തൊഴുത് പ്രധാന പ്രതിഷ്ഠാ മൂര്ത്തിയായ ശ്രീ പാര്ത്ഥസാരഥിയെ വന്ദിക്കാന്. വിഷ്ണുവിന് നാല് പ്രദിക്ഷണങ്ങളാണ് വെക്കേണ്ടത്. മണ്ഡപത്തിന് തെക്ക് വശത്ത് കൂടി ഒരു വലത്ത് വെച്ചതിന് ശേഷം മാത്രമേ നടക്ക് മുന്നില് വന്ന് ഭഗവാനെ തൊഴുവാനുള്ള അവകാശം ഭക്തര്ക്കുള്ളു. പ്രദക്ഷിണം വെയ്ക്കുമ്പോള് ശ്രീ കോവിലിന് ചുറ്റുമുള്ള ബലിക്കല്ലിന് പുറത്ത് കൂടി വേണം പ്രദക്ഷിണം ചെയ്യാന്. രണ്ട് പ്രദക്ഷിണം കഴിഞ്ഞാല് നാലമ്പലത്തില് മുന്നോട്ട് നീട്ടിപ്പണിതിട്ടുള്ള ബലിക്കല്പ്പുരയില് സ്ഥിതി ചെയ്യുന്ന വലിയബലിക്കല്ലിന് പടിഞ്ഞാറ് ഭാഗത്ത് വെച്ചിട്ടുള്ള വലിയവിളക്കിന് വലം വെയ്ക്കുന്നത് വളരെ പ്രധാനമാണ്. വലിയവിളക്കില് എണ്ണയൊഴിച്ച് തിരിതെളിയിച്ച് സുധര്ശന മൂര്ത്തിയെ വന്ദിക്കുന്നത് അഭീഷ്ട ശിദ്ധികാര്യത്തിന് വളരെ ഉത്തമമാണ്. മൂന്നാം പ്രദക്ഷിണം വെച്ച് കഴിഞ്ഞാല് മൂന്ന് തവണ നാരായണ മന്ത്രം ഉരുവിട്ടതിന് ശേഷം തീര്ത്ഥം വാങ്ങി സേവിക്കേണ്ടത്.
തീര്ത്ഥം സേവിക്കുമ്പോള് ചുണ്ടത്ത് ചേര്ക്കാതെ തൊണ്ടയിലേക്ക് വേണം സേവിക്കാന്. നാലാമത്തെ പ്രദക്ഷിണം വച്ച് വടക്കേ നടയിലൂടെ പുറത്തിറങ്ങി പുറത്തേ ബലിക്കല്ലുകള്ക്ക് പുറത്ത്കൂടി കിഴക്കേ ആനക്കൊട്ടിലില് വന്ന് ദേവനെ തൊഴുത് ഒരിക്കല് കൂടി ഗണപതിയെ വന്ദിച്ച് കിഴക്കോട്ട് നിന്ന് കാവല് ഭഗവതി, ശങ്കരനാരായണ മൂര്ത്തി, തകഴി ഭഗവന്, ശബരിമല അയ്യപ്പന്, തൊഴുന്ന ഭക്തന്റെ കര്മ്മ ദൈവങ്ങളെയും പ്രാര്ത്ഥിച്ച് ഗുരുവായൂര് നടയിലെത്തി ഭഗവനേയും തൊഴുതതിന് ശേഷം തിരികെ കൊടിമരത്തിലുള്ള ഗരുഡ വാഹനത്തെയും തൊഴുത് വേണം മടങ്ങാന്
പ്രതികരിക്കാൻ ഇവിടെ എഴുതുക: