മെല്ബണ്: ഏകദിന ക്രിക്കറ്റില് വേഗത്തില് 7,000 റണ്സ് തികയ്ക്കുന്ന ബാറ്റ്സ്മാനെന്ന ബഹുമതി ഇന്ത്യയുടെ വിരാട് കോഹ്ലിക്ക്. 161 ഇന്നിങ്സില് നിന്നാണ് വിരാട് 7,000 ക്ലബ്ബിലെത്തിയത്. 166 ഇന്നിങ്സില് ഈ നേട്ടം കൈവരിച്ച ദക്ഷിണാഫ്രിക്കയുടെ എ.ബി. ഡിവില്ലേഴ്സിനെമറികടന്നു ഇന്ത്യന് താരം. 169 മത്സരങ്ങളില് 161 ഇന്നിങ്സില് 7,098 റണ്സായി ഇന്ത്യയുടെ ടെസ്റ്റ് നായകന്. ഇന്നലെ കുറിച്ച ശതകം ഉള്പ്പെടെ 24 വട്ടം ആ ബാറ്റ് മൂന്നക്കം കണ്ടു. 36 അര്ധശതകങ്ങളും സമ്പാദ്യം.
ഓസ്ട്രേലിയയ്ക്കെതിരായ മൂന്നാം ഏകദിനത്തിലെ പത്താം ഓവറില് ജയിംസ് ഫൗള്ക്നറെ ബൗണ്ടറിയിലേക്ക് പായിച്ച് 19ലെത്തിയതോടെ വിരാട് റെക്കോഡ് മറികടന്നു. വേഗത്തില് 24 സെഞ്ചുറിയെന്ന നേട്ടവും മത്സരത്തിലൂടെ ഇന്ത്യന് താരത്തെ തേടിയെത്തി. സൗരവ് ഗാംഗുലി (174), വെസ്റ്റിന്ത്യന് ഇതിഹാസം ബ്രയാന് ലാറ (183), ഡെസ്മണ്ട് ഹെയ്ന്സ് (187), ജാക് കാലിസ് (188), സച്ചിന് ടെന്ഡുല്ക്കര് (189) എന്നിവരും ഇരുന്നൂറ് ഇന്നിങ്സില് താഴെ ഏഴായിരം തികച്ചു.
പ്രതികരിക്കാൻ ഇവിടെ എഴുതുക: