കണ്ണൂര്: മത്സ്യ മേഖലയില് മികച്ച പ്രവര്ത്തനം കാഴ്ച്ചവെക്കുന്ന മത്സ്യബന്ധന ഗ്രൂപ്പുകള്, സ്വയം സഹായ ഗ്രൂപ്പുകള്, സഹകരണ സംഘങ്ങള് എന്നിവക്കുള്ള ക്യാഷ് അവാര്ഡ്, എസ്എസ്എല്സി, +2 പരീക്ഷയില് ഉന്നതവിജയം കരസ്ഥമാക്കിയ മത്സ്യത്തൊഴിലാളി സഹകരണ സംഘങ്ങളിലെ അംഗങ്ങളായ മത്സ്യത്തൊഴിലാളികളുടെ മക്കള്ക്കുള്ള ക്യാഷ് അവാര്ഡ് എന്നിവയുടെ വിതരണം 2016 ജനുവരി 19 നു കണ്ണൂര് നവനീതം ഓഡിറ്റോറിയത്തില് നടക്കും.—————
ഉച്ചയ്ക്ക് 2.30 ന് മത്സ്യഫെഡ് ചെയര്മാന് വി.ദിനകരന് എക്സ് എംഎല്എ യുടെ അധ്യക്ഷതയില് ചേരുന്ന യോഗത്തില് എ.പി.അബ്ദുള്ളകുട്ടി എംഎല്എ അവാര്ഡ് വിതരണം ഉദ്ഘാടനം ചെയ്യും. പി.കെ.ശ്രീമതി എം.പി മുഖ്യാതിഥിയായിരിക്കും. മാനേജിംഗ് ഡയറക്ടര് വി.ജി.കിഷോര് കുമാര് റിപ്പോര്ട്ട് അവതരിപ്പിക്കും. ജനപ്രതിനിധികള് , ജില്ലാ കലക്ടര്, മത്സ്യഫെഡ് ഭരണസമിതി അംഗങ്ങള്, ട്രേഡ് യൂണിയന് ‘ഭാരവാഹികള് എന്നിവര് പങ്കെടുക്കും.
മത്സ്യം ലഭിക്കാത്ത ദിവസങ്ങളില് അദ്ധ്വാനത്തിനു വേതനമില്ലാത്ത മത്സ്യത്തൊഴിലാളികള്ക്ക് ഉല്പാദന, വരുമാന വര്ദ്ധനവിനായി സംസ്ഥാന സര്ക്കാറും മത്സ്യഫെഡും സംയുക്തമായി നടപ്പിലാക്കുന്ന ഉല്പ്പാദന ബോണസ് അടക്കം ഇതര ധനസഹായ വിതരണവും ഇതോടൊപ്പം നടക്കും
മത്സ്യഫെഡില് അഫിലിയേറ്റ് ചെയ്തിട്ടുള്ള 666 പ്രാഥമിക സഹകരണ സംഘങ്ങളുണ്ട്. ഇവയില് അംഗങ്ങളായ മത്സ്യതൊഴിലാളികളുടെ 6000-ത്തില് അധികം ഗ്രൂപുകളും 2000-ത്തോളം സ്വയം സഹായ സംഘങ്ങളും പ്രവര്ത്തിച്ചു വരുന്നു. ഇവരില് നിന്നും വിവിധ മാനദണ്ഡങ്ങള് പ്രകാരം തെരഞ്ഞടുക്കപ്പെടുന്ന സംഘങ്ങള്ക്കും, മത്സ്യബന്ധന ഗ്രൂപ്പുകള്ക്കും, സ്വാശ്രയ സംഘങ്ങള്ക്കുമാണ് എല്ലാ വര്ഷവും അവാര്ഡുകള് നല്കി വരുന്നത്. കാസര്കോഡ്, കണ്ണൂര്, കോഴിക്കോട് ജില്ലകളിലെ അര്ഹരായി തെരഞ്ഞെടുക്കപ്പെട്ട മത്സ്യബന്ധന ഗ്രൂപ്പുകള്ക്കാണ് ഇവ വിതരണം ചെയ്യുന്നത്.—
പ്രതികരിക്കാൻ ഇവിടെ എഴുതുക: