കണ്ണൂര്: ബിജെപി സംസ്ഥാന പ്രസിഡണ്ട് കുമ്മനം രാജശേഖരന് നയിക്കുന്ന കേരള വിമോചന യാത്രയുടെ പ്രചരണ ബോര്ഡുകള് ജില്ലയിലെങ്ങും സിപിഎം സംഘം വ്യാപകമായി നശിപ്പിച്ചു. പള്ളിക്കുന്ന്, തളാപ്പ് തുടങ്ങിയ സ്ഥലങ്ങളിലും ജില്ലയുടെ വിവിധ ഭാഗങ്ങളിലും യാത്രയുമായി ബന്ധപ്പെട്ട് സ്ഥാപിച്ച നിരവധി ബോര്ഡുകളും കൊടിതോരണങ്ങളും ഏതാനും ദിവസങ്ങളായി സിപിഎം സംഘം വ്യാപകമായി നശിപ്പിച്ചുകൊണ്ടിരിക്കുകയാണ്. പള്ളിക്കുന്ന് ടെക്നോ ബില്ഡിംഗിന്റെ മൂന്നാം നിലയില് 800 സ്ക്വയര്ഫീറ്റില് സ്ഥാപിച്ച കുമ്മനത്തിന്റെയും സംസ്ഥാന ദേശീയ നേതാക്കളുടെയും ഫോട്ടോ പതിച്ച കൂറ്റന് ഫ്ളക്സ് ബോര്ഡ് ഇരുട്ടിന്റെ മറവില് കഴിഞ്ഞ ദിവസം സിപിഎം സംഘം തകര്ത്തു. കൂടാതെ, പന്നേന്പാറ പോത്തേരി സ്കൂളിന് സമീപം, തളാപ്പ് പുഞ്ചിരിമുക്ക്, പള്ളിക്കുന്ന് പാലം തുടങ്ങിയ സ്ഥലങ്ങളില് സ്ഥാപിച്ച കൊടിതോരണങ്ങളും ബോര്ഡുകളും വ്യാപകമായി നശിപ്പിക്കപ്പെട്ടു.
കൂത്തുപറമ്പ് മേഖലയില് കഴിഞ്ഞ ദിവസം യാത്രയുമായി ബന്ധപ്പെട്ട് സ്ഥാപിച്ച നൂറുകണക്കിന് പ്രചരണ സാമഗ്രികള് സിപിഎം അക്രമി സംഘം തകര്ത്തിരുന്നു. യാത്രയെ പരാജയപ്പെടുത്താന് സിപിഎം നേതൃത്വം വളരെ ആസൂത്രിതമായി നടത്തുന്ന നീക്കത്തിന്റെ ഭാഗമാണ് ഇത്തരം അക്രമങ്ങളെന്നാണ് സൂചന.
പ്രതികരിക്കാൻ ഇവിടെ എഴുതുക: