കണ്ണൂര്: കേരള ഫോക്ലോര് അക്കാദമി നാടന് കലാകാരന്മാര്ക്കുള്ള ഫെല്ലോഷിപ്പ്, അവാര്ഡ് എന്നിവക്കും കലാപഠന ഗവേഷണ ഗ്രന്ഥം, യുവപ്രതിഭാ പുരസ്കാരം എന്നിവക്കുമുള്ള അപേക്ഷകള് ക്ഷണിച്ചു. നാടന് കലകളില് തനതായ പ്രാഗല്ഭ്യം തെളിയിച്ചിട്ടുള്ളതും മുന് വര്ഷങ്ങളില് അവാര്ഡിന് അര്ഹരായവരുമായ നാടന് കലാകാരന്മാര്മാക്ക് ഫെല്ലോഷിപ്പിന് അപേക്ഷിക്കാം. നാടന് കലാരംഗത്ത് പ്രാഗത്ഭ്യം തെളിയിച്ച നാടന് കലാകാരന്മാര്ക്ക് അവാര്ഡിന് അപേക്ഷിക്കാവുന്നതാണ്. വെള്ളക്കടലാസില് തയ്യാറാക്കുന്ന അപേക്ഷയോടൊപ്പം കലാകാരനാണെന്ന് തെളിയിക്കുന്ന കോര്പ്പറേഷന്/മുനിസിപ്പല്/ഗ്രാമപഞ്ചായത്ത് പ്രസിഡണ്ടിന്റെ സാക്ഷ്യംപത്രം, വയസ്സ് തെളിയിക്കുന്ന സര്ട്ടിഫിക്കറ്റ്, കലാരംഗത്ത് പ്രാഗല്ഭ്യം തെളിയിക്കുന്ന സര്ട്ടിഫിക്കറ്റ്, അക്കാദമിയുടെ അവാര്ഡ് നേടിയതു സംബന്ധിച്ച വിശദാംശങ്ങള് (ഫെല്ലോഷിപ്പിന്), 3 പാസ്പോര്ട്ട് സൈസ് ഫോട്ടോകള്, ഫോണ് നമ്പറുകള് എന്നിവ ഉണ്ടാകണം.
നാടന്കലകളെ ആധാരമാക്കി രചിക്കപ്പെട്ടതും ഉന്നത നിലവാരം പുലര്ത്തുന്നതുമായ പഠന ഗവേഷണ ഗ്രന്ഥങ്ങള്ക്ക് കേരള ഫോക്ലോര് അക്കാദമി അവാര്ഡുകള്നല്കും. 2013, 2014, 2015 വര്ഷങ്ങളില് ഒന്നാംപതിപ്പായി പ്രസിദ്ധീകരിക്കപ്പെട്ട ഗ്രന്ഥങ്ങളായിരിക്കും. അവാര്ഡിന് പരിഗണക്കപ്പെടുന്നത്. ഗ്രന്ഥകാരന്മാര്ക്കും പുസ്തക പ്രസാദകര്ക്കും പുസ്തകങ്ങള് പരിഗണനക്ക് സമര്പ്പിക്കാവുന്നതാണ്. വായനക്കാര്ക്കും മികച്ച ഗ്രന്ഥങ്ങള്ക്ക് നിര്ദ്ദേശിക്കാവുന്നതാണ്. അപേക്ഷയോടൊപ്പം പുസ്തകങ്ങളുടെ നാല് കോപ്പികളും 3 പാസ്പോര്ട്ട് സൈസ് ഫോട്ടോകളും അയക്കേണ്ടതാണ്.
നാടന്കലാരംഗത്ത് തനതായ പ്രാഗല്ഭ്യം തെളിയിച്ച യുവനാടന് കലാകാരന്മാര്ക്ക് യുവകലാകാര പുരസ്കാരത്തിന് അപേക്ഷിക്കാം. പ്രായപരിധി 18നും 40നു മദ്ധ്യേ. അപേക്ഷയോടൊപ്പം കലാകാരനാണെന്ന് തെളിയിക്കുന്ന കോര്പ്പറേഷന്/മുനിസിപ്പല്/ഗ്രാമപഞ്ചായത്ത് പ്രസിഡണ്ടിന്റെ സാക്ഷ്യംപത്രം, വയസ്സ് തെളിയിക്കുന്ന സര്ട്ടിഫിക്കറ്റ്, കലാരംഗത്ത് പ്രാഗല്ഭ്യം തെളിയിക്കുന്ന സര്ട്ടിഫിക്കറ്റ്, 3 പാസ്പോര്ട്ട് സൈസ് ഫോട്ടോകള്, ഫോണ് നമ്പറുകള് എന്നിവ ഉണ്ടാകണം.
അപേക്ഷകള് ഫെബ്രുവരി 29ന് മുമ്പ് സെക്രട്ടറി, കേരള ഫോക്ലോര് അക്കാദമി, പി.ഒ.ചിറക്കല്, കണ്ണൂര്-11 എന്ന വിലാസത്തില് ലഭിക്കണം. വ്യക്തികള്ക്കും സംഘടനകള്ക്കും കലാകാരന്മാരെ നിര്ദ്ദേശിക്കാവുന്നതാണ്. കൂടുതല് വിവരങ്ങള്ക്ക് അക്കാദമി ഓഫീസുമായി ബന്ധപ്പെടണം. ഫോണ്: 0497 2778090.
പ്രതികരിക്കാൻ ഇവിടെ എഴുതുക: