കൊട്ടാരക്കര: ബിഎംഎസ് കൊട്ടാരക്കര ആര്ടി ഓഫീസിലേക്ക് മാര്ച്ച് നടത്തി. ആര്ടിഒ ഓഫീസില് ഏജന്റുമാരുടെ കടന്നുകയറ്റം അവസാനിപ്പിക്കുക, ഓട്ടോറിക്ഷകളുടെ ടൗണിലുള്ള സമാന്തരസര്വീസ് നിര്ത്തലാക്കുക, ലീഗല് മെട്രോളജി വകുപ്പിലെ അനധികൃതഫീസ് നിര്ത്തലാക്കുക എന്നീ ആവശ്യങ്ങളുന്നയിച്ച് മുനിസിപാലിറ്റി സമിതിയുടെ നേതൃത്വത്തിലാണ് മാര്ച്ചും ധര്ണയും നടന്നത്. നൂറോളം മോട്ടോര് തൊഴിലാളികള് പങ്കെടുത്തു. ജില്ലാ വൈസ് പ്രസിഡന്റ് പരിമണം ശശി ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി പി.ജയപ്രകാശ്, മേഖലാ പ്രസിഡന്റ് ശിവകുമാര്, സെക്രട്ടറി ബിനുകുമാര്, ജോയിന്റ് സെക്രട്ടറി അനില്, അണ്ടൂര് രാധാകൃഷ്ണന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: