ആലുവ: യു.സി കോളേജിന് സമീപം ടിപ്പര് ലോറിയിച്ച് തൃശൂര് കൊരട്ടി തണ്ടപ്പിള്ളി വീട്ടില് ടി.എ. ഡേവിസിന്റെ മകന് സാം ഡേവിസ് (21) മരിച്ചു. യു.സി കോളേജില് മൂന്നാം വര്ഷ ബി.എസ്.സി ഇലക്ട്രോണിക്സ് വിദ്യാര്ത്ഥിയാണ്. സാമിനൊപ്പം ബൈക്കില് പിന്നില് സഞ്ചരിച്ചിരുന്ന സഹപാഠി തൊടുപുഴ കോടികുളം ചെമ്പകശേരി വീട്ടില് പ്രമോദ് (22) ഗുരുതര പരിക്കുകളോടെ ആശുപത്രിയിയില് തീവ്രപരിചരണ വിഭാഗത്തിലാണ്.
ചൊവ്വാഴ്ച്ച ഉച്ചയ്ക്കാണ് അപകടം. കോളേജിന് എതിര്വശത്തെ ബാങ്കിലേക്ക് ബൈക്കില് പോകുമ്പോള് പറവൂര് ഭാഗത്ത് നിന്നും വന്ന ടിപ്പര് ലോറി ഇടിക്കുകയായിരുന്നു. അപകടം നടന്നയുടന് ഇരുവരെയും ആലുവയിലെ സ്വകാര്യ ആശുപത്രിയില് എത്തിച്ച് പ്രഥമശുശ്രൂഷ നല്കിയ ശേഷം ചുണങ്ങംവേലി രാജഗിരിയിലേക്ക് മാറ്റുകയായിരുന്നു. ഇന്നലെ രാവിലെ പത്തരയോടെയാണ് സാം ഡേവിസ് മരിച്ചത്.
സാമിന്റെ സംസ്കാരം ഇന്ന് വൈകിട്ട് നാലിന് കൊരട്ടി സെന്റ് മേരീസ് ഫൊറോന കത്തോലിക്ക് പള്ളി സെമിത്തേരിയില് നടക്കും. രാവിലെ പത്തിന് യു.സി കോളേജ് പള്ളിയില് പൊതുദര്ശനത്തിന് വെയ്ക്കും.
മരിച്ച സാമിന്റെ പിതാവ് ഡേവിസ് അങ്കമാലി സ്പെഷ്യല് ബ്രാഞ്ച് എസ്.ഐയാണ്. മാതാവ്: ജീന. സഹോദരങ്ങള്: സാന്ദ്ര, സമീറ.
പ്രതികരിക്കാൻ ഇവിടെ എഴുതുക: