തലശ്ശേരി: കേരള ക്ഷേത്ര സംരക്ഷണ സമിതി സുവര്ണ്ണ ജയന്തി ആഘോഷത്തിന്റെ ഭാഗമായി മാതൃസമിതി സംസ്ഥാന അദ്ധ്യക്ഷ പ്രൊഫ.വി.ടി.രമ നയിക്കുന്ന സ്ത്രീ സ്വാഭിമാന് യാത്രക്ക് നാളെ തലശ്ശേരിയില് സ്വീകരണം നല്കും. തലശ്ശേരി പുതിയ ബസ്സ്റ്റാന്റ് പരിസരത്ത് നാളെ വൈകുന്നേരം 5 മണിക്ക് നടക്കുന്ന സ്വീകരണ പരിപാടി ഒളിമ്പ്യന് പി.ടി.ഉഷ ഉദ്ഘാടനം ചെയ്യും. ഭാരതീയ വിചാരകേന്ദ്രം സംസ്ഥാന സംഘടനാ സെക്രട്ടറി കാ.ഭാ.സുരേന്ദ്രന് മുഖ്യ പ്രഭാഷണം നടത്തും. ഇന്ന് കാസര്കോഡ് അനന്തപുരം ക്ഷേത്രത്തില് നിന്നാരംഭിക്കുന്ന യാത്രയുടെ ഉദ്ഘാടനം മല്ലികാര്ജ്ജുന ക്ഷേത്രത്തില് നടക്കും. ഹിന്ദി സാഹിത്യകാരിയും ചിന്തകയും ഗോവ ഗവര്ണ്ണറുമായ മൃദുല നിന്ഹ ഉദ്ഘാടനം ചെയ്യും.
കള്ളപ്രചരണങ്ങളെ വിദ്യാര്ത്ഥി സമൂഹം തള്ളിക്കളയണം: എബിവിപി
കണ്ണൂര്: ഹൈദരാബാദ് കേന്ദ്ര സര്വ്വകലാശാലയിലെ വിദ്യാര്ത്ഥിയുടെ ആത്മഹത്യയുമായി ബന്ധപ്പെട്ട് രാഷ്ട്രീയ മുതലെടുപ്പിന് വേണ്ടി എസ്എഫ്ഐ, കെഎസ്യു നേതൃത്വം പ്രചരിപ്പിക്കുന്ന കള്ളപ്രചരണങ്ങളെ വിദ്യാര്ത്ഥി സമൂഹം തള്ളിക്കളയുമെന്ന് എബിവിപി സംസ്ഥാന ജോ.സെക്രട്ടറി കെ.രഞ്ജിത്ത് അഭിപ്രായപ്പെട്ടു. എബിവിപി കോളേജ് ഓഫ് കൊമേഴ്സ് യൂണിറ്റ് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിഷ്പക്ഷമായി ചിന്തിക്കുന്ന, സ്നേഹത്തോടെയും സൗഹൃദത്തോടെയും കലാലയങ്ങളില് പഠിക്കുന്ന വിദ്യാര്ത്ഥികളെ ഭിന്നിപ്പിച്ച രാഷ്ട്രീയ മുതലെടുപ്പ് നടത്തുകയാണ് ഇത്തരക്കാര് എന്നും രഞ്ജിത്ത് പറഞ്ഞു. എബിവിപി വിഭാഗ് ജോ.കണ്വീനിര് കെ.അനൂപ്, ജില്ലാ ജോയിന്റ് കണ്വീനര് കെ.കെ.അമല് എന്നിവര് സംസാരിച്ചു. സായുഷ് അധ്യക്ഷത വഹിച്ചു. കെ.അരൂണ് സ്വാഗതവും എന്.നിഖില് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: