കോട്ടയം: പള്ളിക്കത്തോട് അരവിന്ദ ചാരിറ്റബിള് സൊസൈറ്റിയുടെ സാംസ്കാരിക വിഭാഗമായ സാരംഗിയുടേയും സേവന വിഭാഗമായ സേവയുടേയും രജതജൂബിലി ആഘോഷങ്ങള്ക്ക് ഇന്ന് തുടക്കം കുറിക്കും.
കഴിഞ്ഞ 25 വര്ഷമായി പള്ളിക്കത്തോട്ടില് അര്ത്ഥവത്തായ ചര്ച്ചകളും പ്രഭാഷണങ്ങള്ക്കും വേദിയൊരുക്കിവരുന്ന സാരംഗിയുടെ രജതജൂബിലി ആഘോഷങ്ങളുടെ ഉദ്ഘാടനം മുന് ഐഎസ്ആര്ഒ ചെയര്മാന് ഡോ. ജി. മാധവന്മായര് നിര്വ്വഹിക്കും. കൊടുങ്ങല്ലൂര് വിവേകാനന്ദ കേന്ദ്രവേദിക് വിഷന് ഫൗണ്ടേഷന് ഡയറക്ടര് ഡോ. എം. ലക്ഷ്മികുമാരി സേവയുടെ രജതജൂബിലി ഉദ്ഘാടനം ചെയ്യും.
അരവിന്ദ ചാരിറ്റബിള് സൊസൈറ്റി ഏര്പ്പെടുത്തിയിട്ടുള്ള പ്രഥമ അരവിന്ദ കീര്ത്തിമുദ്ര പ്രശസ്ത കാര്ഡിയോ തൊറാസിക് സര്ജര് ഡോ. ടി.കെ. ജയകുമാറിന് ഡോ. ജി. മാധവന് നായര് സമ്മാനിക്കും. സൊസൈറ്റി ആരംഭിക്കുന്ന അദ്ധ്യാത്മിക കേന്ദ്രത്തിന് ഒരേക്കര് ഭൂമി സൗജന്യമായി നല്കിയ ആര്യാട്ട് എ.എം. കൃഷ്ണന്നായരെ ഡോ. എം. ലക്ഷ്മികുമാരി ആദരിക്കും. ജനംടിവി മാനേജിംഗ് ഡയറക്ടര് പി. വിശ്വരൂപന് ചടങ്ങില് ആശംസയര്പ്പിക്കും.
രാത്രി 7 മുതല് പി. ജയചന്ദ്രനും സംഘവും അവതരിപ്പിക്കുന്ന ഗാനമേളയും ഉണ്ടായിരിക്കുമെന്ന് ഭാരവാഹികള് പത്രസമ്മേളനത്തില് അറിയിച്ചു.
പ്രതികരിക്കാൻ ഇവിടെ എഴുതുക: