ഈരാറ്റൂപേട്ട: മീനച്ചിലാര് പൂനര്ജനി പദ്ധതിയുടെയും കുടിവെള്ള ക്ഷാമവുമായി ബന്ധപ്പെട്ട് നടത്തിയ ശില്പശാലയുടെ ഉദ്ഘാടനം ജില്ലാ കളക്ടര് യു.വി ജോസ് നിര്വ്വഹിച്ചു. ആറുമാസത്തെ തുടര്ച്ചയായ കാമ്പയിനിലൂടെ മീനച്ചിലാറ്റിലെ ജലം ശുചിത്വമുള്ളതായി തീര്ക്കാന് കഴിയുന്ന വിധത്തിലാണ് പ്രവര്ത്തനങ്ങള് നടപ്പാക്കുകയെന്നും അദ്ദേഹം അറിയിച്ചു. കുളങ്ങള് വീണ്ടെടുക്കുന്നതിനും, താല്ക്കാലിക തടയിണകള് നിര്മ്മിക്കുന്നതിനും, മലിനമായ നദി പ്രദേശങ്ങല് ശുചീകരിക്കുന്നതിനും പദ്ധതികള് ആവിഷ്കരിച്ചതായി അദ്ദേഹം പറഞ്ഞു.
നഗരസഭാ പ്രദേശത്തെ പാരിസ്ഥിതിക പ്രശ്നങ്ങളുടെ ഫോട്ടോ പ്രദര്ശനത്തെ കളക്ടര് പ്രശംസിച്ചു. നാടിന്റെ പാരിസ്ഥിക വിഷയങ്ങള് ചിത്രങ്ങളില് അനാവരണം ചെയ്യപ്പെട്ടുവെന്ന് അദ്ദേഹം പറഞ്ഞു.
നഗരസഭാദ്ധ്യക്ഷന് റ്റി.എം. റഷീദ് അധ്യക്ഷത വഹിച്ചു. പി.സി. ജോര്ജ്, ആര്.ഡി.ഒ പി.കെ. പ്രകാശ്, നഗരസഭാംഗങ്ങളായ വി.പി. നാസ്സര്, വി.എച്ച്. ഹസീബ്, ഇസ്മായില് കീഴേടം, അബ്ദുല് ബാസിത്, സുബൈര് വെള്ളാപ്പള്ളി, വി.കെ.കബീര്, ബള്കീസ് നവാസ്, ഹസീന ഫൈസല്, വ്യാപാരി വ്യവസായി സംസ്ഥാന സെക്രട്ടറി എ.എം.എ. ഖാദര്, അരുവിത്തുറ പള്ളി വികാരി ഫാ. തോമസ് വെടികുന്നേല്, മുഹമ്മദ് സക്കീര് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: