ആലപ്പുഴ: നിയന്ത്രണം വിട്ട സ്വകാര്യബസ് കാറില് ഇടിച്ചു, തുടര്ന്ന് കാര് ടിപ്പറില് ഇടിച്ചു. യാത്രക്കാര് അത്ഭുതകരമായി രക്ഷപ്പെട്ടു. ഇന്നലെ വൈകിട്ട് 3.30ഓടെ ദേശീയപാതയില് വണ്ടാനം മെഡിക്കല് കോളേജിന് സമീപമായായിരുന്നു അപകടം. അമ്പലപ്പുയില് നിന്നും എറണാകുളം ഭാഗത്തേക്ക് പോകുകയായിരുന്ന കാറില് ഇതേ ദിശയില് ആലപ്പുഴക്ക് യാത്രക്കാരുമായി പോകുകയായിരുന്ന സ്വകാര്യ ബസ് ഇടിക്കുകയായിരുന്നു. ഇടിയുടെ ആഘാതത്തില് കാര് മുന്നിലൂടെ പോകുകയായിരുന്ന ടിപ്പര് ലോറിയില് ഇടിച്ചു. കാറിന്റെ മുന്ഭാഗത്തിന് ഭാഗികമായി കേടുപാട് സംഭവിക്കുകയും പിന്ഭാഗത്തെ ചില്ലുകള് ചിന്നിച്ചിതറുകയു മായിരുന്നു. എന്നാല് കാര് യാത്രക്കാരായ എറണാകുളം കാക്കനാട് പൂത്തേടത്ത് നിസാം കൂടെയണ്ടായിരുന്ന മിയാന് എന്നിവര് പരിക്കുകള് കൂടാതെ അത്ഭുതകരമായി രക്ഷപെട്ടു. ബസ്യാത്രക്കാര്ക്കും പരിക്കുകള് ഇല്ല. പുന്നപ്ര പോലീസ് മേല്നടപടി സ്വീകരിച്ചു.
പ്രതികരിക്കാൻ ഇവിടെ എഴുതുക: