കോട്ടയം: 2014 ലെ കേരള മീഡിയ അക്കാദമി മാധ്യമ അവാര്ഡ് വിതരണവും മത്തായി മാഞ്ഞൂരാന്- എന്.എന്. സത്യവ്രതന് അനുസ്മരണ സെമിനാറും നാളെ വൈകിട്ട് 3.30 ന് കോട്ടയം പ്രസ് ക്ലബ് ഹാളില് നടക്കും. മാധ്യമ അവാര്ഡ് വിതരണം മന്ത്രി കെ.സി.ജോസഫ് നിര്വഹിക്കും. മന്ത്രി തിരുവഞ്ചൂര് രാധാകൃഷ്ണന് അദ്ധ്യക്ഷത വഹിക്കുന്ന ചടങ്ങില് ജോസ് കെ മാണി എം.പി മുഖ്യപ്രഭാഷണം നടത്തും. 2014 ലെ മികച്ച ദൃശ്യ മാധ്യമ പ്രവര്ത്തനത്തിനുളള അക്കാദമി അവാര്ഡ് ഏഷ്യനെറ്റ് ന്യൂസ് ചീഫ് റിപ്പോര്ട്ടര് പി.ആര് പ്രവീണ, മികച്ച ഫോട്ടോഗ്രഫിക്കുളള അവാര്ഡ് മാതൃഭൂമി തിരുവനന്തപുരം ബ്യൂറോയിലെ സീനിയര് ഫോട്ടോഗ്രാഫര് ബിജു വര്ഗീസ്, മികച്ച എഡിറ്റോറിയലിനുളള വി. കരുണാകരന് നമ്പ്യാര് അവാര്ഡിന് ചന്ദ്രിക കോഴിക്കോട് സീനിയര് സബ് എഡിറ്റര് എ. പി ഇസ്മായില്, മികച്ച അന്വേഷണാത്മക റിപ്പോര്ട്ടിനുളള ചൊവ്വര പരമേശ്വരന് അവാര്ഡ് മാതൃഭൂമി ചീഫ് റിപ്പോര്ട്ടര് എസ്.എന് ജയപ്രകാശ്, മികച്ച ഹ്യൂമന് ഇന്ററസ്റ്റഡ് സ്റ്റോറിക്കുളള എന്. എന്. സത്യവ്രതന് അവാര്ഡ് ദീപിക ബ്യൂറോ ചീഫ് ജോണ്സണ് വേങ്ങത്തടം, മികച്ച പ്രാദേശിക ലേഖകനുളള ഡോ. മൂര്ക്കന്നൂര് നാരായണന് അവാര്ഡ് മംഗളം ലേഖകന് വി. സുരേന്ദ്രന്പിളള എന്നിവര്ക്കാണ് സമ്മാനിക്കുക.
പ്രതികരിക്കാൻ ഇവിടെ എഴുതുക: