കൊച്ചി: സോളാര് കോഴയുമായി ബന്ധപ്പെട്ട് വിജിലന്സ് കോടതി ഉത്തരവിന്റെ അടിസ്ഥാനത്തില് ഉമ്മന്ചാണ്ടി മുഖ്യമന്ത്രിസ്ഥാനം രാജിവെക്കണമെന്നാവശ്യപ്പെട്ട് ബിജെപി-യുവമോര്ച്ച പ്രവര്ത്തകര് മുഖ്യമന്ത്രിയെ കരിങ്കൊടി കാണിച്ചു. ഇന്നലെ വൈകിട്ട് അത്താണി എയര്പോര്ട്ട്റോഡില്വച്ചാണ് പ്രവര്ത്തകര് മുഖ്യമന്ത്രിയെ കരിങ്കൊടി കാണിച്ചത്.
നെടുമ്പാശ്ശേരി പോലീസ് പ്രവര്ത്തകരെ അറസ്റ്റ്ചെയ്ത് നീക്കി. ബിജെപി ആലുവ മണ്ഡലം പ്രസിഡന്റ് എം.എന്. ഗോപി, യുവമോര്ച്ച ജില്ലാ പ്രസിഡന്റ് ദിനില് ദിനേശ്, ബസിത്കുമാര്, എന്.എം. അഭിലാഷ്, സലീഷ് ചെമ്മണ്ണൂര്, ദീപക്, രാജേഷ് കുന്നത്തേരി, രഞ്ജിത്ത്, അനൂപ്കുമാര് കെ.ആര് എന്നിവര് നേതൃത്വം നല്കി.
തൃപ്പൂണിത്തുറ: മുഖ്യമന്ത്രി ഉമ്മന്ചാണ്ടിയുടെ രാജി ആവശ്യപ്പെട്ട് ബിജെപി പ്രവര്ത്തകര് തൃപ്പൂണിത്തുറയില് പ്രകടനം നടത്തി. തുടര്ന്ന് നടന്ന പ്രതിഷേധയോഗത്തില് മണ്ഡലം പ്രസിഡന്റ് വി.ആര്. വിജയകുമാര് മുഖ്യപ്രഭാഷണം നടത്തി.ജനറല് സെക്രട്ടറി കെ.വി. സുനില്കുമാര്, സന്തോഷ് ചാലിയത്ത്, രാജേഷ്, യു. മധുസൂദനന്, രാജേന്ദ്രന് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: