തിരുവനന്തപുരം: സേവാഭാരതിയുടെ സ്ഥാപനമായ പൂര്ണശ്രീ ബാലികാസദനത്തിലെ പ്രിയ വിവാഹിതയാകുന്നു. ക്യാന്സര് രോഗബാധയെ തുടര്ന്ന് അമ്മ അകാലചരമം പ്രാപിച്ചപ്പോള് അഞ്ചുവയസ്സുള്ള പ്രിയയെയും രാഹുലിനെയും പോത്തന്കോട് നിന്നും സേവാഭാരതി ഏറ്റെടുക്കുകയായിരുന്നു. പ്രിയയ്ക്ക് പൂര്ണശ്രീ ബാലികാസദനത്തിലും രാഹുലിനെ അനന്തശായി ബാലസദനത്തിലും പൂര്ണ സംരക്ഷണം നല്കി. പ്രിയ മണക്കാട് വൊക്കേഷണല് ഗേള്സ് ഹയര്സെക്കന്ററി സ്കൂളില്നിന്നും വിദ്യാഭ്യാസം പൂര്ത്തിയാക്കി. അധ്യാപിക പരിശീലനത്തിനുശേഷം മുട്ടത്തറ സേവാഭാരതി വിദ്യാമന്ദിരത്തില് അധ്യാപികയായി സേവനമനുഷ്ഠിച്ചുവരികയാണ്.
കണ്ണൂര് ഇടയ്ക്കോട് മിത്തന് ഹൗസില് ഭരതന് രാധാമണി ദമ്പതിമാരുടെ പുത്രന് രൂപേഷാണ് പ്രിയയെ വിവാഹം ചെയ്യുന്നത.് രൂപേഷ് കണ്ണൂരിലെ ഇലക്ട്രിക്കല് കോണ്ട്രാക്ടറാണ് നാളെ രാവിലെ 9നും 9.30നും മദ്ധേ്യയുള്ള ശുഭമുഹൂര്ത്തത്തില് വട്ടിയൂര്ക്കാവ് ശ്രീകണ്ഠന് ശാസ്താക്ഷേത്രത്തിലെ ശ്രീ ദുര്ഗ കല്യാണ മണ്ഡപത്തില് നടക്കുന്ന വിവാഹ മംഗള കര്മ്മത്തില് സമൂഹത്തിലെ പ്രശസ്ത വ്യക്തികള് പങ്കെടുക്കും. സേവാഭാരതി വട്ടിയൂര്ക്കാവ് യൂണിറ്റാണ് കല്യാണം ഏറ്റെടുത്തു നടത്തുന്നത്. പൂര്ണ്ണശ്രീ ബാലികാസദനത്തില് നടക്കുന്ന നാലാമത്തെ വിവാഹമാണ് പ്രിയയുടേത്.
പ്രതികരിക്കാൻ ഇവിടെ എഴുതുക: