പയ്യന്നൂര്: ചെറുതാഴം ശ്രീരാഘവ പുരം (ഹനുമാരമ്പലം) ക്ഷേത്രത്തിലെ കൊടിയേറ്റമഹോത്സവം ഇന്ന് ആരംഭിക്കും. വൈകീട്ട് ആറ് മണിക്ക് ട്രസ്റ്റി വാരണക്കോട് കൃഷ്ണന് നമ്പൂതിരിയില് നിന്നും തന്ത്രികരുമാരത്തില്ലത്ത് പരമേശ്വരന് നമ്പൂതിരി കുറയും പവിത്രവും സ്വീകരിക്കുന്നതോടെ ചടങ്ങുകള് ആരംഭിക്കും. തുടര്ന്ന് കൊടിയേറ്റം. രാത്രി 8 മണിക്ക് സാംസ്കാരിക സമ്മേളനം മലബാര് ദേവസ്വം ബോര്ഡ് പ്രസിഡണ്ട് സജീവ് മാറോളി ഉദ്ഘാടനം ചെയ്യും. തുടര്ന്ന് കോല്ക്കളി നടക്കും.
നാളെ അക്ഷരശ്ലോക സദസ്സ്, നൃത്തശില്പം എന്നിവ നടക്കും. 5 ന് രാവിലെ ഉത്സവബലി, വൈകീട്ട് അക്ഷരശ്ലോക സദസ്സ്., കഥകളി ആചാര്യന്മാര്ക്കുള്ള പുരസ്കാര വിതരണം, 10 മണിക്ക് മേജര്സെറ്റ് കഥകളി കര്ണ്ണശപഥം., ആറിന് പ്രതിഷ്ഠാദിന വിശേഷാല് നവകം, വൈകുന്നേരം പൊതിയില് നാരായണ ചാക്യാര് അവതരിപ്പിക്കുന്ന കൂത്ത്, ഭരതനാട്യവിരുന്ന് എന്നിവ നടക്കും’ ഏഴിന് ചാക്യാര്കൂത്ത്, അക്ഷരശ്ലോക സദസ്സ്, ഇരട്ടത്തായമ്പക, കാഴ്ചവരവ്, മുത്തപ്പന് വില്കലാമേള, എട്ടിന് ചാക്യാര്കൂത്ത്, ഇരട്ടത്തായമ്പക, ഭക്തിഗാനമേള എന്നിവ നടക്കും. 9 ന് ഓട്ടന്തുള്ളല്, തായമ്പക, പള്ളിവേട്ട പത്തിന് രാവിലെ ആറാട്ട്, ആറാട്ട് സദ്യ എന്നിവയും നടക്കും.
ഉത്സവനാളുകളില് ശ്രീഭൂതബലി, നവകം, വൈകീട്ട് ഗജവീരന്മാരുടെ അകമ്പടിയോടും മേളപ്രദക്ഷിണത്തോടും കൂടിയ കാഴ്ചശീവേലി, നാലു തിടമ്പുകള് ഒരേ സമയം ഏന്തുന്ന തിടമ്പൂ ന്യത്തം എന്നിവയും നടക്കും. പത്രസമ്മേളനത്തില് കൃഷ്ണന് നമ്പൂതിരി, കെ. കണ്ണന്, എ.ഡി.നമ്പ്യാര്, പി.ജനാര്ദ്ദനന് നായര്, കെ.വി.ഗോകുലാനന്ദന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: