ഇരിട്ടി: എന്റെ ഭാഷ എന്റെ ഭൂമി എന്റെ സംസ്കാരം എന്ന സന്ദേശവുമായി തപസ്യ കലാ സാഹിത്യവേദിയുടെ ആഭിമുഖ്യത്തില് നടത്തുന്ന സഹ്യസാനു സാംസ്കാരിക തീര്ഥയാത്രക്ക് ജില്ലയില് വിവിധ സ്ഥലങ്ങളില് ഉജ്വല സ്വീകരണം. രാവിലെ ചെറുപുഴ അയ്യപ്പക്ഷേത്ര ദര്ശനത്തിന് ശേഷം പര്യടനം ആരംഭിച്ച ജാഥ ആലക്കോട്, നടുവില്, ശ്രീകണ്ഠാപുരം, മട്ടന്നൂര്, ഇരിട്ടി, പേരാവൂര് എന്നിവിടങ്ങളിസെ പര്യടനങ്ങള്ക്ക് ശേഷം കൊട്ടിയൂരില് സമാപിച്ചു. സ്വീകരണ സ്ഥലങ്ങളില് നൂറുകണക്കിനാളുകള് സംബന്ധിച്ചു. ഇതോടനുബന്ധിച്ച് ആദരണ സഭ, പ്രഭാഷണം, നാടന് പാട്ടുകള് എന്നിവയും അരങ്ങേറി. തപസ്യ സംസ്ഥാന ഉപാധ്യക്ഷന് പി.ജി.ഹരിദാസ്, സംയോജകന് അഡ്വ.കെ.പി.വേണുഗോപാലന്, സംഘടനാ സെക്രട്ടറി ടി.ഉണ്ണികൃഷ്ണന്, ആലപ്പുഴ ജില്ലാ സെക്രട്ടറി ഡോ.അനില് കുമാര്, അഡ്വ.വിജയകുമാര്, കണ്ണൂര് ജില്ലാ സെക്രട്ടറി രാമകൃഷ്ണന് വെങ്ങര, സംസ്ഥാന സമിതിയംഗം അഡ്വ.പ്രമോദ് കാളിയത്ത്, പയ്യാവൂര് പി.പി.മാധവന് മാസ്റ്റര്, ബിജു ആലക്കോട്, സി.കെ.ജി.ആലക്കോട്, പാണപ്പുഴ പത്മനാഭപ്പണിക്കര് തുടങ്ങി ഒട്ടേറെ പ്രമുഖര് ജാഥയില് പങ്കെടുത്തു. ജാഥ ഇന്ന് കൊട്ടിയൂര് ക്ഷേത്ര ദര്ശനത്തിന് ശേഷം നെടുംപൊയില് വഴി വയനാട്ടില് പ്രവേശിക്കും. ആദ്യസ്വീകരണം നിരവില്പ്പുഴയിലും പിന്നീട് മാനന്തനവാടിയിലുമാണ്.
സാംസ്കാരിക തീര്ത്ഥയാത്രയുടെ രണ്ടാംഘട്ടമായ സഹ്യസാനു യാത്രക്ക് ആലക്കോട് സ്വീകരണം നല്കി. ആലക്കോട് അരങ്ങം ശ്രീ മഹാദേവ ക്ഷേത്രത്തില് സംഘം ദര്ശനം നടത്തി. ആലക്കോട് ടൗണില് ഗായകസംഘത്തിന്റെ നാടന് പാട്ടുകള് അരങ്ങേറി. തുടര്ന്ന് നടന്ന സ്വീകരണയോഗം തപസ്യ ആലക്കോട് യൂണിറ്റ് അധ്യക്ഷന് കെ.പി.ബിജുകുമാറിന്റെ അധ്യക്ഷതയില് വായിക്കമ്പ വാര്ഡ് മെമ്പര് മോഹനന് ഉദ്ഘാടനം ചെയ്തു. സി.കെ.ഗോപാലകൃഷ്ണന് മാസ്റ്റര്, പ്രൊഫ.പി.ജി.ഹരിദാസിനെ ഹാരാര്പ്പണം ചെയ്തു. ആലക്കോട് പി.ആര്.രാമവര്മ്മ രാജയുടെ പ്രതിമയില് തീര്ത്ഥയാത്രാ സംഘാംഗങ്ങള് പുഷ്പാര്ച്ചന നടത്തി. ആലക്കോട് കൊട്ടാരം സന്ദര്ശിച്ച് പി.ആര്.രാമവര്മ്മരാജയുടെ ഏകപുത്രി അമ്പിളി വര്മ്മത്തമ്പുരാട്ടിയുടെ അനുഗ്രഹവും ആശീര്വ്വാദവും വാങ്ങി മൊമെന്റോ നല്കി. പ്രശസ്ത വിഷവൈദ്യന് കോരന് വൈദ്യരെയും ഷാളണിയിച്ച് ആദരിച്ചു. യാത്രക്ക് നടുവിലിലും സ്വീകരണം നല്കി.
തപസ്യ കലാസാഹിത്യ വേദി നടത്തുന്ന സാംസ്കാരിക തീര്ത്ഥയാത്രയുടെ രണ്ടാംഘട്ടമായ സഹ്യസാനു യാത്രക്ക് മട്ടന്നൂരില് സ്വീകരണം നല്കി.
മട്ടന്നൂര് ബസ്സ്റ്റാന്റ് പരിസരത്ത് നടന്ന പരിപാടിയില് രാഷ്ട്രീയ സ്വയംസേവക സംഘം മട്ടന്നൂര് താലൂക്ക് സംഘചാലക് സി.ബാലഗോപാലന് മാസ്റ്റര് അധ്യക്ഷത വഹിച്ചു. തപസ്യ ആലപ്പുഴ ജില്ലാ സെക്രട്ടറി ഡോ.എം.പി.അനില്കുമാര് മുഖ്യപ്രഭാഷണം നടത്തി. യാത്രാനായകന് കെ.പി.വേണുഗോപാലന്, സി.വി.വിജയന്മാസ്റ്റര്, സി.പി.ചന്ദ്രന് പെരിയച്ചൂര്, ജില്ലാ അധ്യക്ഷന് ഡോ.കൂമുള്ളി ശിവരാമന്, വിവിധ മേഖലകളില് കഴിവ് തെളിയിച്ച കെ.കുഞ്ഞികൃഷ്ണ മാരാര്, മട്ടന്നൂര് ശിവരാമന്, കലാനിലയം ഉദയനന് നമ്പൂതിരി, കെ.കെ.കീറ്റുക്കണ്ടി, ശ്രീഹരി രാംദാസ്, മുരളീധരന് പട്ടാന്നൂര്, ശശിധരന് മട്ടന്നൂര്, സി.പി.ചന്ദ്രന് പെരിയച്ചൂര്, രൂപേഷ് പൂവത്തൂര് എന്നിവരെ ആദരിച്ചു. യാത്രയോടൊപ്പമുള്ള ഗായക സംഘത്തിന്റെ നാടന്പാട്ടുകള്, മുഖ്യ ആകര്ഷണമായി. സന്ദീപ് മട്ടന്നൂര് സ്വാഗതവും യാത്രാ സംയോജകന് പ്രൊഫ.പി.ജി.ഹരിദാസ് നന്ദിയും പറഞ്ഞു.
മട്ടന്നൂരിലെ സ്വീകരണത്തിനും ഭക്ഷണത്തിനും ശേഷം ഉച്ചക്ക് ശേഷം മൂന്നരയോടെ മലയോര പട്ടണമായ ഇരിട്ടിയില് എത്തിയ യാത്രക്ക് പഴയ ബസ്സ് സ്റ്റാന്റ് പരിസരത്താണ് സ്വീകരണം ഒരുക്കിയത്. സ്വീകരണ യോഗത്തില് എഴുത്തുകാരനും ചാനല് അവതാരകനുമായ രാമചന്ദ്രന് കടമ്പേരി അദ്ധ്യക്ഷത വഹിച്ചു. എന്.വി.പ്രജിത്ത് പരിചയഭാഷണം നടത്തി. വിവിധ സാംസ്കാരിക പ്രസ്ഥാനങ്ങളുടെയും സംഘടനകളുടെയും സാരഥികളും പ്രതിനിധികളും യാത്രാ നായകനും തപസ്യ കലാസാഹിത്യവേദി വര്ക്കിംഗ് പ്രസിഡണ്ടുമായ പി.ജി.ഹരിദാസിനെ പൊന്നാട അണിയിച്ചു ആദരിച്ചു. ഇരിട്ടി മേഖലയിലെ വിവിധ കലാ സാംസ്കാരിക പ്രവര്ത്തകരും എഴുത്തുകാരും കലാ പ്രതിഭകളുമായ മുസ്തഫ കീഴ്ത്തടത്ത്, ബാബു ജേക്കബ് കോളിക്കടവ്, മുഹമ്മദ് ഇരിട്ടി, പ്രകാശന് കോട്ടാത്ത്, ഹരി ഗോവിന്ദന്, മണി നിടിയോടി, ചൈതന്യ, ഋതിക ശ്രീലഷ്, വിജയന് വിളമന എന്നിവരെ ചടങ്ങില് വെച്ച് പി.ജി.ഹരിദാസ് ആദരിച്ചു. ഡോ.അനില് തിരുവനന്തപുരം മുഖ്യഭാഷണം നടത്തി. പയ്യാവൂര് മാധവന് മാസ്റ്റര്, വത്സന് തില്ലങ്കേരി, പി.ഉണ്ണികൃഷ്ണന് എന്നിവര് സംസാരിച്ചു. എം.രതീഷ് സ്വാഗതവും എം.സതേഷ് നന്ദിയും പറഞ്ഞു.
പേരാവൂരില് നടന്ന സ്വീകരണ യോഗത്തില് സ്വാഗതസംഘം ചെയര്മാന് കെ.രാജന് അദ്ധ്യക്ഷത വഹിച്ചു. അഡ്വ. വിജയകുമാര് മുഖ്യ ഭാഷണം നടത്തി. വിവിധ മേഖലകളില് പ്രാഗത്ഭ്യം തെളിയിച്ച ഇരുപത്തി ഒന്നോളം പ്രതിഭകളെ ചടങ്ങില് ആദരിച്ചു. യാത്രാ നായകന് പ്രൊഫ. പി.ജി .ഹരിദാസ് ടി.വി. വിജയന്, മാലതി ടീച്ചര്, ടി.പ്രകാശന് തുടങ്ങിയവര് പ്രസംഗിച്ചു. കൂട്ട ജയപ്രകാശ് സ്വാഗതവും കെ,സി. വേണുഗോപാല് നന്ദിയും പറഞ്ഞു.
കൊട്ടിയൂരില് നടന്ന സ്വീകരണ യോഗം കൊട്ടോയൂര് പഞ്ചായത്ത് പ്രസിഡന്റ് ഇന്ദിരാ ശ്രീധരന് ഉദ്ഘാടനം ചെയ്തു. പി.വി.ഗോപി അദ്ധ്യക്ഷത വഹിച്ചു. കവിയും ഗാനരചയിതാവുമായ കൊട്ടിയൂര് പങ്കജാക്ഷനെ ചടങ്ങില് ആദരിച്ചു. യാത്രാനായകന് പ്രൊ.പി.ജി.ഹരിദാസ്, കെ.പി.വേണുഗോപാല്, എം.കെ. ഉത്തമന്, കെ.സുനില്, ഇ.എം.രാജേന്ദ്രന്, പി.എസ്.മോഹനന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: