ആലപ്പുഴ: സ്വകാര്യമേഖലയോട് കിടപിടിക്കുന്ന ഈടുറ്റതും ഗുണമേന്മയേറിയതുമായ കയര് അനുബന്ധ ഉല്പ്പന്നങ്ങളുമായി സംസ്ഥാന കയര് വികസന കോര്പറേഷന്റെ സ്റ്റാളുകള് ‘കയര് കേരള’യില്.
നെയ്തെടുത്ത കയര് ചവിട്ടി, മണ്ണൊലിപ്പു തടയുന്നതിനുള്ള കയര് ഭൂവസ്ത്രം, കയര് ലോഗ്, ചണത്തിലുള്ള പരവതാനി, പിവിസി ടഫ്റ്റഡ് കയര് ചവിട്ടി, റബ്ബര് ചവിട്ടി എന്നിവയാണ് മേളയില് സംസ്ഥാന സര്ക്കാരിനു കീഴിലുള്ള കയര് കോര്പറേഷന് അണിനിരത്തിയിട്ടുള്ള പ്രധാന ഉല്പ്പന്നങ്ങള്. കഴിഞ്ഞവര്ഷം മെക്സിക്കോയിലെ പ്രദര്ശനത്തില് പങ്കെടുത്തപ്പോള് 90 ലക്ഷം രൂപയുടെ ഓര്ഡറും കേരളത്തിലെ കയര് ഉല്പ്പന്നങ്ങളുടെ പ്രിയ വിപണിയായ ഓസ്ട്രേലിയയില് നടന്ന പ്രദര്ശനത്തില്നിന്ന് 75 ലക്ഷത്തിന്റെ ഓര്ഡറും ലഭിച്ചു.കഴിഞ്ഞവര്ഷം 106 കോടി രൂപയുടെ വരുമാനമാണ് കോര്പറേഷന് നേടാനായത്. നാലരക്കോടി രൂപയിലേറെ വിലവരുന്ന ഉല്പ്പന്നങ്ങള് നേരിട്ടും 96 കോടിരൂപയുടെ ഉല്പ്പന്നങ്ങള് സഹകരണ സംഘങ്ങളില്നിന്ന് വാങ്ങി സ്വകാര്യ കയറ്റുമതിക്കാര്ക്ക് കൈമാറിയതിലൂടെയുമാണ് ഇത്രയും വരുമാനം ലഭിച്ചത്.
പ്രതികരിക്കാൻ ഇവിടെ എഴുതുക: