ആലപ്പുഴ: സമുദ്രനിരപ്പിന് താഴെ കൃഷിചെയ്യുന്ന കുട്ടനാട്ടില് ആരംഭിക്കുന്ന അന്തര്ദേശീയ കായല്കൃഷി ഗവേഷണ-പരിശീലനകേന്ദ്രത്തിന്റെ ഉദ്ഘാടനം ആറിന് വൈകിട്ട് മൂന്നിന് മങ്കൊമ്പ് നെല്ല് ഗവേഷണകേന്ദ്രത്തില് മുഖ്യമന്ത്രി ഉമ്മന് ചാണ്ടി നിര്വഹിക്കും. മന്ത്രി കെ.പി. മോഹനന് ആധ്യക്ഷ്യം വഹിക്കുന്ന ചടങ്ങില് കാര്ഷിക ശാസ്ത്രജ്ഞന് പ്രഫ. ഡോ. എം.എസ്. സ്വാമിനാഥന് മുഖ്യപ്രഭാഷണം നടത്തും. കൃഷി വകുപ്പിന് കീഴിലുള്ള സ്വയംഭരണസ്ഥാപനമായിട്ടായിരിക്കും ഗവേഷണ കേന്ദ്രം പ്രവര്ത്തിക്കുക. മുഖ്യമന്ത്രിയായിരിക്കും ഗവേഷണകേന്ദ്രത്തിന്റെ ഗവേണിങ് ബോഡി ചെയര്മാന്. ഡോ. എം.എസ്. സ്വാമിനാഥന് വൈസ് ചെയര്മാന് ആയിരിക്കും. സമുദ്രനിരപ്പില് നിരപ്പിനുതാഴെ കൃഷി ചെയ്യുന്നതുമായി ബന്ധപ്പെട്ട ഗവേഷണവും പരിശീലനവുമാണ് കേന്ദ്രത്തില് നടക്കുക.രാജ്യത്തുതന്നെ ആദ്യമായാണ് കാലാവസ്ഥാ സാഹചര്യങ്ങളെ അതിജീവിച്ച് കൃഷി ചെയ്യുന്നതിനുള്ള ഗവേഷണവും പരിശീലനവും പ്രോത്സാഹിപ്പിക്കുന്ന രാജ്യാന്തര സ്ഥാപനം സംസ്ഥാന സര്ക്കാര് 10 കോടി രൂപ അനുവദിച്ചു തുടങ്ങുന്നത്. മങ്കൊമ്പ് നെല്ല് ഗവേഷണകേന്ദ്രത്തെയും കുമരകം കാര്ഷികഗവേഷണ കേന്ദ്രത്തെയും സഹകരിപ്പിച്ചുകൊണ്ടായിരിക്കും പുതിയ കായല്നില ഗവേഷണകേന്ദ്രത്തിന്റെ പ്രവര്ത്തനം.
പ്രതികരിക്കാൻ ഇവിടെ എഴുതുക: