ആലപ്പുഴ: ജില്ലയിലെ ബിജെപിയുടെ രാഷ്ട്രീയ മുന്നേറ്റത്തിന് ഊര്ജ്ജം പകര്ന്ന് സംസ്ഥാന അദ്ധ്യക്ഷന് കുമ്മനം രാജശേഖരന് നയിക്കുന്ന വിമോചനയാത്ര ഇന്ന് ജില്ലയില് പര്യടനം നടത്തും. രാവിലെ അരൂക്കുറ്റിയിലെ ദിശയിലെ കുട്ടികളുമൊരുമിച്ച് പ്രഭാതഭക്ഷണത്തിനുശേഷം ധീരജവാന് ജോമോന്റെ മാതാപിതാക്കളെ സന്ദര്ശിച്ച ശേഷമാണ് അദ്ദേഹം യാത്ര തുടങ്ങുക. രാവിലെ 9ന് അരൂര് നിയോജകമണ്ഡലത്തിലെ സ്വീകരണം എരമല്ലൂര് ജങ്ഷനിലാണ്. രാത്രിയോടെ മാവേലിക്കര മണ്ഡലത്തിലെ സ്വീകരണം ഏറ്റുവാങ്ങി ഇന്നത്തെ യാത്ര സമാപിക്കും. നാളെ രാവിലെ 10ന് ചെങ്ങന്നൂര് നിയോജകമണ്ഡലത്തിലെ സ്വീകരണത്തിനു ശേഷം പത്തനംതിട്ടയിലേക്ക് യാത്ര തുടരും. ജില്ലയിലെ സ്വീകരണ സമ്മളനങ്ങള് ചരിത്രസംഭവമാക്കി മാറ്റാനുള്ള എല്ലാവിധ തയ്യാറെടുപ്പുകളും പൂര്ത്തിയായിക്കഴിഞ്ഞു. ഓരോ സ്വീകരണ കേന്ദ്രങ്ങളിലും ആയിരക്കണക്കിന് പ്രവര്ത്തകരും പൊതുജനങ്ങളും പങ്കെടുക്കും. വിവിധ സ്വീകരണ സമ്മേളനങ്ങളില് സംസ്ഥാന ജനറല് സെക്രട്ടറിമായ എ.എന്. രാധാകൃഷ്ണന്, കെ.സുരേന്ദ്രന്, എം.ടി. രമേശ്, ശോഭാ സുരേന്ദ്രന്, സംസ്ഥാന വൈസ് പ്രസിഡന്റുമാരായ പി.എം. വേലായുധന്, കെ.പി. ശ്രീശന്, മദ്ധ്യമേഖലാ പ്രസിഡന്റ് അഡ്വ. നാരായണന് നമ്പൂതിരി, ദക്ഷിണമേഖലാ പ്രസിഡന്റ് വെള്ളിയാകുളം പരമേശ്വരന്, മഹിളാ മോര്ച്ച സംസ്ഥാന പ്രസിഡന്റ് രേണു സുരേഷ് തുടങ്ങിയവര് സംസാരിക്കും. മാവേലിക്കരയിലെ സ്വീകരണ സമ്മേളനം അഖിലേന്ത്യാ ജനറല് സെക്രട്ടറി മുരളീധര് റാവു ഉദ്ഘാടനം ചെയ്യും. മുന് കേന്ദ്രമന്ത്രി ഒ. രാജഗോപാല് മുഖ്യപ്രഭാഷണം നടത്തും.
ഇന്നലെ രാത്രി ജില്ലാ അതിര്ത്തിയായ തണ്ണീര്മുക്കത്ത് എത്തിയ യാത്രയെ നേതാക്കള് ചേര്ന്ന് വരവേറ്റു. ഇന്ന് രാവിലെ 7.30ന് ഉത്തരാഖണ്ഡിലെ പ്രളയബാധിത മേഖലയില് രക്ഷാ പ്രവര്ത്തനത്തിനിടെ വീരമൃത്യു വരിച്ച ജവാന് ജോമോന്റെ വീട്ടിലെത്തി മാതാപിതാക്കളെ കാണും. തുടര്ന്ന് വടുതല കാട്ടുപുറം ദിശ കാരുണ്യ സെന്ററിലെ അന്തേവാസികളെയും സന്ദര്ശിക്കും. അന്തേവാസികളോടൊപ്പം പ്രഭാതഭക്ഷണത്തിന് ശേഷം പൂച്ചാക്കലില് കുമ്മനത്തെ പ്രവര്ത്തകര് സ്വീകരിക്കും. ജില്ലയിലെ ആദ്യ സ്വീകരണ സമ്മേളനം രാവിലെ ഒന്പതിന് എരമല്ലൂരില് നടക്കും. യോഗത്തില് നിയോജകമണ്ഡലം പ്രസിഡന്റ് ടി. സജീവ് ലാല് അദ്ധ്യക്ഷത വഹിക്കും. 10 ന് പൊന്നാംവെളി പത്മാക്ഷിക്കവലയില് നിന്നും വാദ്യമേളങ്ങളുടെ അകമ്പടിയോടെ ജാഥയെ സ്വീകരിച്ച് സമ്മേളന നഗരിയായ ചേര്ത്തല ദേവീ ക്ഷേത്രത്തിലേക്ക് ആനയിക്കും. നിയോജക മണ്ഡലം പ്രസിഡന്റ് അഡ്വ.പി.കെ.ബിനോയ് അദ്ധ്യക്ഷത വഹിക്കും.
വിമോചനയാത്രയെ ആലപ്പുഴ നിയോജകമണ്ഡലം കമ്മറ്റിയുടെ നേതൃത്വത്തില് തിരുവിഴയില് നിന്ന് ബൈക്ക് റാലിയോടെ സ്വീകരിക്കും. തുടര്ന്ന് നഗരത്തില് എത്തുന്ന കുമ്മനത്തെ കിടങ്ങാംപറമ്പ് ജങ്ഷനില് നിന്ന് സ്വീകരണ സംഘാടക സമിതി ചെയര്മാന് മേജര് ധനപാലന്റെ നേതൃത്വത്തില് അമ്മന്കുടം, ചെണ്ടമേളം, മുത്തുക്കുട, നാസിക് ഡോള് എന്നിവയുടെ അകമ്പടിയോടെ സമ്മേളന നഗരിയിലേക്ക് ആനയിക്കും. തുടര്ന്ന് നടക്കുന്ന യോഗത്തില് മണ്ഡലം പ്രസിഡന്റ് ആര്. ഉണ്ണികൃഷ്ണന് അദ്ധ്യക്ഷത വഹിക്കും. അടിയന്തിരാവസ്ഥക്കാലത്ത് പീഡനമനുഭവിച്ചവരെ കുമ്മനം നേരില് കാണും. വീരബലിദാനികളുടെ കുടുംബാംഗങ്ങളുമായി സംസാരിക്കും. കുട്ടനാട് വികസന സമിതി ചെയര്മാന് ഫാ. തോമസ് പീലിയാനിക്കലുമായി ചര്ച്ച നടത്തും. ശേഷം ജില്ലയിലെ വ്യവസായ പ്രമുഖരുമായി കൂടിക്കാഴ്ച നടത്തി അമ്പലപ്പുഴയിലേക്ക് യാത്രതിരിക്കും.
കളര്കോടുനിന്നും അമ്പലപ്പുഴ നിയോജകമണ്ഡലത്തിന്റെ ആഭിമുഖ്യത്തില് സ്വീകരിച്ച് ഇരട്ടക്കുളങ്ങര ജങ്ഷനില് എത്തുന്ന യാത്രയെ താലപ്പൊലി, പഞ്ചവാദ്യം, വേലകളി, കളരിപ്പയറ്റ് എന്നിവയോടെ അമ്പലപ്പുഴ കച്ചേരിമുക്കിലെ വേദിയിലേക്ക് ആനയിക്കും. ആദ്യ സ്വീകരണം നിയോജകമണ്ഡലം പ്രസിഡന്റ് എല്.പി. ജയചന്ദ്രന് നല്കുന്നതോടെ മറ്റ് ബിജെപി നേതാക്കളും സാംസ്കാരിക സംഘടനാ പ്രവര്ത്തകരും കുമ്മനത്തെ സ്വീകരിക്കും. തുടര്ന്ന് കടല്ക്ഷോഭത്തില് വീടും സ്ഥലവും നഷ്ടപ്പെട്ടവരും കാപ്പിത്തോട്ടിലെ മാലിന്യത്തിന്റെ ദുരിതം അനുഭവിക്കുന്നവരും തോട്ടപ്പള്ളി ഫിഷിങ് ഹാര്ബറിനോടുള്ള സര്ക്കാര് അവഗണനയില് തൊഴില് നഷ്ടപ്പെട്ടവരും നിവേദനം നല്കും. വിവിധ കലാപരിപാടികളില് ഒന്നാം സ്ഥാനം നേടിയ വിദ്യാര്ത്ഥികള്, എം.എ. എക്കണോമിക്സിന് ഒന്നാം റാങ്ക് നേടിയ വിഷ്ണുപ്രിയ, കേസരി അവാര്ഡു ജേതാവ് ബിജു തറയില് എന്നിവരെ ആദരിക്കും. അമ്പലപ്പുഴയിലെ പരിപാടിക്കുശേഷം തകഴിയിലേക്ക് പുറപ്പെടും.
കുട്ടനാട് നിയോജകമണ്ഡലത്തിലെ അതിര്ത്തിയായ തകഴിയില്, തകഴി സ്മൃതി മണ്ഡപത്തില് പുഷ്പാര്ച്ചനയ്ക്ക് ശേഷം അഞ്ഞൂറോളം ബൈക്ക്കളുടെ അകമ്പടിയോടെ തലവടിയിലെ സ്വീകരണ സ്ഥലത്തേക്ക് ആനയിക്കും. തലവടി നടുവിലേമുറി എസ്എന്ഡിപിക്ക് സമീപത്തുനിന്നും തുറന്ന ജീപ്പില് അദ്ദേഹത്തെ സമ്മേളന നഗരിയായ തലവടി തൃക്കയില് ക്ഷേത്ര മൈതാനിയിലേക്ക് ആനയിക്കും. ബിജെപി കുട്ടനാട് നിയോജകമണ്ഡലം പ്രസിഡന്റ് എം.ആര്. സജീവ് ജാഥായുടെ നായകനായ കുമ്മനത്തിനെ സ്വീകരിക്കും, സ്വാഗത സംഘത്തിന് വേണ്ടി സ്വാഗത സംഘം രക്ഷാധികാരി ഡോ. എം.ബി. പദ്മനാഭപിള്ള ഹാരമണിയിച്ചു സ്വീകരിക്കും. തുടര്ന്ന് ജില്ലാ ഭാരവാഹികളും 168 ബൂത്ത് പ്രസിഡന്റുമാരും സ്വീകരിക്കും. കാന്സര് രോഗബാധിതനായ തലവടി സ്വദേശി സാജന്റെ ചികിത്സക്കായി ബിജെപി കുട്ടനാട് നിയോജകമണ്ഡലം സ്വരൂപിച്ച ചികില്സ സഹായ നിധി കൈമാറും. തുടര്ന്ന് കനോയിങ്, കായാക്കിങ് മെഡല് ജേതാക്കളെ ആദരിക്കും. തുടര്ന്ന് സ്വീകരണത്തിന് കുമ്മനം നടത്തുന്ന മറുപടി പ്രസംഗവും ഉണ്ടാകും.
പ്രതികരിക്കാൻ ഇവിടെ എഴുതുക: