കണ്ണൂര്: കീച്ചേരി ദേശീയപാതയില് ചരക്കു ലോറിയും ഗ്യാസ് ടാങ്കറും കൂട്ടിയിടിച്ച് ഡ്രൈവര്മാരടക്കം മൂന്നു പേര്ക്ക് ഗുരുതരമായി പരുക്കറ്റു. ഇന്നലെ രാവിലെ 6.15 ഓടെയാണ് അപകടം. ഡ്രൈവര്മാരായ മഹാരാഷ്ര്ട പൂനെ സ്വദേശി അലതക ആല്ബര്ട്ട് എന്ന അശോക് (23),മാമ്പ സ്വദേശി സതീശന് (40), മുരിങ്ങേരിയിലെ പ്രദീപന് (36) എന്നിവരെയാണ് പരിയാരം മെഡിക്കല് കോളജിലും കണ്ണൂര് കൊയിലി ആശുപത്രിയിലും പ്രവേശിപ്പിച്ചത്. മഹാരാഷ്ട്രയില് നിന്ന് എറണാകുളത്തേക്ക് ഉള്ളിയുമായി വരികയായിരുന്ന എം.എച്ച് 12 എല്.ടി 6593 നമ്പര് ചരക്ക് ലോറിയും ഒഴിഞ്ഞ സിലിണ്ടറുമായി മംഗലാപുരത്തേക്ക് ഫില്ലിംഗിന് പോവുകയായിരുന്ന കെ.എല് 13 എ.എ 4226 നമ്പര് ടാങ്കര് ലോറിയുമാണ് കൂട്ടിയിടിച്ചത്. ഇടിയുടെ ആഘാതത്തില് ഇരുലോറികളുടെയും മുന്ഭാഗം പൂര്ണ്ണമായും തകര്ന്നു. കേബിനുകളില് കുടുങ്ങിയ ഡ്രൈവര്മാരെ ഏറെ സാഹസപ്പെട്ടാണ് പരിസരവാസികളും പോലീസും രക്ഷപ്പെടുത്തി ആശുപത്രികളിലെത്തിച്ചത്. തകര്ന്ന ലോറികള് മാപ്പിള ഖലാസി മൂപ്പന് കെ.എ ഹാഷിമിന്റെ നേതൃത്വത്തിലെത്തിയ സംഘമാണ് പരിസരവാസികളുടെ സഹായത്തോടെ റോഡരികിലേക്ക് മാറ്റിയത്. അപകടത്തെത്തുടര്ന്ന് ഒരു മണിക്കൂറോളം ഗതാഗതം തടസ്സപ്പെട്ടു.
പ്രതികരിക്കാൻ ഇവിടെ എഴുതുക: