കോഴിക്കോട്: പരിശീലനം നല്കാതെ ഓണ്ലൈന് സമ്പ്രദായം ഏകപക്ഷീയമായി നടപ്പിലാക്കുന്നുവെന്നാരോപിച്ച് ആധാരം എഴുത്ത് അസോസിയേഷന്റെ ആഭിമുഖ്യത്തില് അനിശ്ചിതകാല സമരം തുടങ്ങി. മന്ത്രിയുടെ വസതിയില് വെച്ച് സംഘടനാ നേതാക്കള് നടത്തിയ ചര്ച്ചയില് പത്ത് ദിവസമെങ്കിലും പഠനത്തിനു സമയം നല്കാം എന്നു മന്ത്രി ഉറപ്പു നല്കിയിരുന്നെങ്കിലും രജിസ്ട്രേഷന് ഐ ജി അതു നിഷേധിക്കുകയാണുണ്ടായത്. ഇതിനെ തുടര്ന്ന് സമരം ശക്തമാക്കാനാണ് സംഘടന തീരുമാനിച്ചിരിക്കുന്നതെന്നും ഭാരവാഹികള് പറഞ്ഞു. 10ന് ജില്ലാ രജിസ്ട്രാര് ഓഫീസ് പരിസരത്ത് ധര്ണ നടത്തുവാനും അനുകൂലമായ തീരുമാനമില്ലെങ്കില് നിരാഹാര സമരം ഉള്പ്പെടെയുള്ള മറ്റ് സമര മാര്ഗങ്ങള് നടത്തുവാനും ജില്ലാ ഭാരവാഹികളുടെ യോഗം തീരുമാനിച്ചു. യോഗത്തില് ജില്ലാ പ്രസിഡന്റ് പി.പി. വിജയന് അധ്യക്ഷത വഹിച്ചു. എം.കെ. അനില്കുമാര്, ഇ. രാജഗോപാലന്, കെ.ടി. ആഷിഷ്കുമാര്, കെ. സുനില്കുമാര്, വി.കെ. സരേഷ്കുമാര്, കെ. സുരേന്ദ്രന്, ഇ.ടി.കെ. പ്രഭാകരന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: