ആലപ്പുഴ: നെടുമുടി ഗ്രാമപഞ്ചായത്തില് നിന്നും പോസ്റ്റാഫീസ് സേവിങ്സ് അക്കൗണ്ട് വഴി ക്ഷേമപെന്ഷന് കൈപ്പറ്റുന്ന ഗുണഭോക്താക്കള്ക്ക് ലഭിക്കേണ്ട നാലു മാസത്തെ പെന്ഷന് കുടിശ്ശിക തുകയുടെ ചെക്ക് 11,12 തീയതികളില് പഞ്ചായത്ത് പരിധിയിലെ താഴെ പറയുന്ന കേന്ദ്രങ്ങളില് വിതരണം ചെയ്യും. 11 -ാം തീയതി ഒന്ന്, രണ്ട് വാര്ഡുകാര്ക്ക് പൊങ്ങ ഗുരുമന്ദികം ഹാള്, മൂന്ന്, നാല് വാര്ഡുകാര്ക്ക് കൃഷിഭവന്, അഞ്ച്, ആറ്, ഏഴ് വാര്ഡുകാര്ക്ക് കൊട്ടാരം വായനശാല, 12,13 വാര്ഡുകാര്ക്ക് വൈശ്യംഭാഗം ഗവ. എല്.പി.എസ് എന്നിവിടങ്ങളിലാണ് വിതരണം. 12-ാം തീയതി എട്ട്, ഒന്പത്, 10 വാര്ഡുകാര്ക്ക് ചമ്പക്കുളം പാരീഷ്ഹാളിലും 11 -ാംവാര്ഡുകാര്ക്ക് കൊണ്ടാക്കല് പള്ളിയിലും 14,15 വാര്ഡുകാര്ക്ക് നര്ബോനപുരം പാരിഷ്ഹാളിലും ചെക്ക് വിതരണം ചെയ്യും.
കുത്തിയതോട് പഞ്ചായത്തില്നിന്ന് ക്ഷേമപെന്ഷന് കൈപ്പറ്റുന്ന ഗുണഭോക്താക്കള്ക്ക് കുടിശിഖ വിതരണം ചെയ്യുന്നു. ഒന്ന് മുതല് നാല് വരെ വാര്ഡുകളിലുള്ളവര്ക്ക് ഇന്നും അഞ്ച് മുതല് എട്ട് വരെ വാര്ഡുകളിലുള്ളവര്ക്ക് നാളെയും ഒന്പത് മുതല് പന്ത്രണ്ടു വരെ വാര്ഡുകളിലുള്ളവര്ക്ക് 12 നും പതിമൂന്ന് മുതല് പതിനാറു വരെ വാര്ഡുകളിലുള്ളവര്ക്ക് 15 നും ചെക്കുകള് വിതരണം ചെയ്യും.ഗുണഭോക്താക്താക്കള് ആധാര്,റേഷന്കാര്ഡ്,പെന്ഷന്കാര്ഡ് എന്നിവ സഹിതം ഓപീസില് ഹാജരാകണമെന്ന് സെക്രട്ടറി അറിയിച്ചു.
കടക്കരപ്പള്ളി പഞ്ചായത്തില് നിന്നും പോസ്റ്റ് ഓഫീസ് വഴി ക്ഷേമ പെന്ഷന് കൈപ്പറ്റുന്ന ഗുണഭോക്താക്കള്ക്കുള്ള പെന്ഷന് തുകയുടെ ചെക്ക് പഞ്ചായത്ത് ഓഫീസില് നിന്നും വിതരണം ചെയ്യും. ഒന്നു മുതല് ഏഴ് വരെ വാര്ഡുകളിലുള്ളവര്ക്ക് ഇന്നും എട്ടുമുതല് 14 വരെ വാര്ഡുകളിലുള്ളവര്ക്ക് നാളെയുമാണ് തുക വിതരണം ചെയ്യുന്നതെന്നും ഗുണഭോക്താക്കള് രേഖകളുമായി ഓഫീസില് എത്തണമെന്നും സെക്രട്ടറി അറിയിച്ചു.
നഗരസഭയിലെ കുടിശികയായിട്ടുള്ള വിവിധ പെന്ഷന്കാര്ക്കുള്ള തുകയുടെ ചെക്ക് വിതരണം 11, 12 തീയതികളില് നഗരസഭ ടൗണ് ഹാളില് നടക്കും. രാവിലെ 11 ന് ചേരുന്ന സമ്മേളനം ചെയര്മാന് ഐസക് മാടവന ഉദ്ഘാടനം ചെയ്യും. ക്ഷേമകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് സിന്ധു ബൈജു അദ്ധ്യക്ഷത വഹിക്കും. ഒന്നുമുതല് 15 വരെ വാര്ഡുകാര്ക്ക് നാളെയും തുടര്ന്നുള്ള വാര്ഡുകാര്ക്ക് 12 നുമാണ് ചെക്ക് വിതരണം നടക്കുക. അര്ഹതയുള്ളവര് രേഖകളുമായി എത്തണമെന്ന് സെക്രട്ടറി അറിയിച്ചു.
പുറക്കാട് ഗ്രാമപഞ്ചായത്തിലെ പോസ്റ്റോഫീസ് വഴി പെന്ഷന് കൈപ്പറ്റുന്ന ഗുണഭോക്താക്കളുടെ കുടുശ്ശിക പെന്ഷന്തുകയ്ക്കുള്ള ചെക്കുകള് ഫെബ്രുവരി 11,12,15 തിയതികളില് രാവിലെ 11 മണി മുതല് നാലു വരെ പഞ്ചായത്ത് ഓഫീസില് വിതരണം ചെയ്യും. വാര്ഡ് ഒന്നു മുതല് ആറു വരെയുള്ളവര്ക്ക് ഫെബ്രുവരി 11 നും വാര്ഡ് എഴു മുതല് 12 വരെയുള്ളവര്ക്ക് ഫെബ്രുവരി 12 നും വാര്ഡ് 13 മുതല് 18വരെയുള്ളവര്ക്ക് 15നുമാണ് വിതരണം
തണ്ണീര്മുക്കം പഞ്ചായത്തില് നിന്നും വിവിധ ക്ഷേമപെന്ഷനുകള് വിതരണം ചെയ്യും. വാര്ഡും സ്ഥലവും സമയവും ചുവടെ. ഒന്ന്, രണ്ട്, മൂന്ന്, 21, 22, 23 വാര്ഡുകാര് 11ന് വാരനാട് ലിസ്യൂനഗര് പാരിഷ്ഹാളിലും 4, 5 ,6 ,7 ,8, 9, 14 വാര്ഡുകാര് 12ന് തണ്ണീര്മുക്കം പഞ്ചായത്ത് ഓഫീസിലും 10, 11, 12, 13, 15 വാര്ഡുകാര് 15ന് പാലൂത്തറപള്ളി പാരിഷ്ഹാളിലും 16, 17, 18, 19, 20 വാര്ഡുകാര് 16ന് പോറ്റിക്കവല കമ്യൂണിറ്റി ഹാളിലും ഹാജരാകണം. രാവിലെ 11 മുതല് വൈകിട്ട് നാലു വരെയാണ് സമയം.
പ്രതികരിക്കാൻ ഇവിടെ എഴുതുക: