പുനലൂര്: നെല്ലിപ്പള്ളിയില് ലോറിയും കാറും കൂട്ടിയിടിച്ചു നാലരവയസുകാരനടക്കം ആറുപേര്ക്ക് പരിക്കേറ്റു. പുനലൂര് മൂവാറ്റുപുഴ റോഡില് നെല്ലിപ്പള്ളി പോളിടെക്നിക്കിന് സമീപം ചൊവ്വാഴ്ച വൈകിട്ട് ആറുമണിയോടെയാണ് സംഭവം. പത്തനാപുരം ഭാഗത്തേക്ക് പോകുകയായിരുന്ന ചരക്കുലോറിയില് എതിരെ വന്ന കാര് ഇടിക്കുകയായിരുന്നുവെന്ന് ദൃക്സാക്ഷികള് പറയുന്നു. തൊട്ടുപിന്നാലെ വന്ന ബൈക്ക് യാത്രികരും തന്മൂലം അപകടത്തില്പെട്ടു.
കാറില് യാത്രചെയ്ത കരവാളൂര് സ്വദേശികളായ ഡ്രൈവര് ബിജു(42), ജോര്ജ് (63), രാജി വര്ഗീസ് (57), നിഹാര് ജോ (4 ), ബൈക്ക് യാത്രികരായ മടത്തറ സ്വദേശികളായ ഷമീര്, ജസീദ് എിവര്ക്കാണ് പരിക്ക്. ഇടിയുടെ ആഘാതത്തില് കാറിന്റെ മുന്ഭാഗം പൂര്ണമായും തകര്ന്നു. അഗ്നിശമന സേനയും ജനങ്ങളും ചേര്ന്നാണ് രക്ഷാപ്രവര്ത്തനങ്ങള്ക്ക് നേതൃത്വം നല്കിയത്. പരിക്കേറ്റ ഇവരെ പ്രാഥമികശ്രുശ്രൂഷകള് നല്കി തിരുവനന്തപുരം മെഡിക്കല് കോളേജു ആശുപത്രിയിലേക്കയച്ചു. നെല്ലിപ്പല്ലിയില് പോളിടെക്നിക്കിന് സമീപം മുമ്പം നിരവധി അപകടങ്ങള് നടന്നിട്ടുണ്ട്. അപകടത്തെതുടര്ന്ന് അരമണിക്കൂറോളം ഗതാഗതം തടസ്സപ്പെട്ടു.
പ്രതികരിക്കാൻ ഇവിടെ എഴുതുക: