കായംകുളം: തിരുവിതാംകൂര് രാജഭരണകാലത്ത് ശ്രീമൂലം തിരുനാള് മഹാരാജാവിന്റെ ഷഷ്ഠി പൂര്ത്തി സ്മാരകമായ കായംകുളം ഗവ. ബോയ്സ് ഹയര് സെക്കന്ററി സ്കൂളിന്റെ മുന്ഭാഗം മറച്ചുകൊണ്ടുള്ള പ്രവേശന ഗോപുര നിര്മ്മാണം ഉടന് നിര്ത്തിവയ്ക്കണമെന്ന് ബിജെപി കായംകുളം നിയോജകമണ്ഡലം കമ്മറ്റി പ്രസിഡന്റ് കെ.ജയചന്ദ്രന്പിള്ള, സെക്രട്ടറി പുളിയറ വേണുഗോപാല് എന്നിവര് ആവശ്യപ്പെട്ടു.
1918ല് സ്ഥാപിതമായ ഈ പൈതൃക സ്മാരകത്തെയും മഹത്തായ രാജപാരമ്പര്യത്തെയും വിസ്മരിച്ചുകൊണ്ടുള്ള ഒരു നിര്മ്മാണ പ്രവര്ത്തിയും അനുവദിക്കില്ലെന്നും ബിജെപി ഭാരവാഹികള് അറിയിച്ചു. ഇതിനെതിരെ സമാന ചിന്താഗതിക്കാരെയും സാംസ്ക്കാരിക നായകരെയും അണിനിരത്തി പ്രക്ഷോഭ പരിപാടികള് സംഘടിപ്പിക്കുമെന്നും ബിജെപി നേതാക്കള് പറഞ്ഞു. ജയചന്ദ്രന്പിള്ളയുടെ അദ്ധ്യക്ഷതയില് കൂടിയ യോഗത്തില് പാലമുറ്റത്ത് വിജയകുമാര്, പുളിയറ വേണുഗോപാല്, വി. രാജേന്ദ്രന്, ജി.മോഹനന്നായര് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: