വടകര: തൃപ്പൂണിത്തറ എസ്എല്വി കോളജിലെ ദളിത് പെണ്കുട്ടി എസ്എഫ് ഐ പ്രവര്ത്തകരുടെ പീഡനത്തെ തുടര്ന്ന് ആത്മഹത്യ ചെയ്യാന് ശ്രമിച്ച സംഭവത്തില് പ്രതിഷേധിച്ച് എബിവിപി നടത്തിയ പ്രതിഷേധ പ്രകടനത്തിനു നേരെ അക്രമം. വടകര എസ്എന് കോളജിലെ എബിവിപി പ്രവര്ത്തകരെയാണ് ഒരു സംഘം എസ്എഫ്ഐ പ്രവര്ത്തകര് മാരകായുധങ്ങളുപയോഗിച്ച് ആക്രമിച്ചത്. അക്രമത്തില് 3 എബിവിപി പ്രവര്ത്തകര്ക്ക് പരിക്കേറ്റു. സംസ്ഥാന വ്യാപകമായി എബിവിപി സംഘടിപ്പിച്ച പ്രതിഷേധ പരിപാടിയുടെ ഭാഗമായി കോളജില് നടന്ന പ്രകടനത്തിന് നേരെയാണ് എസ്എഫ്ഐ ആക്രമണം അഴിച്ചുവിട്ടതെന്ന് എബിവിപി നേതാക്കള് ആരോപിച്ചു.
എസ് എഫ് ഐയുടെ ദളിത പീഡനം അവസാനിപ്പിക്കുക, എബിവിപി പ്രവര്ത്തകര്ക്ക് നേരെ നടത്തുന്ന അക്രമങ്ങള് അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് എബിവിപി നഗര സമിതി വടകരയില് പ്രകടനം നടത്തിയ എബിവിപി ജില്ലാ സമിതി അംഗം അഭിജിത്ത് മടപ്പള്ളി, നഗര് സെക്രട്ടറി സാരംഗി കെ, നഗര് പ്രസിഡന്റ് അഭിനന്ദ് എന്നിവര് സംസാരിച്ചു. സായൂജ്, മിഥുന്, ശ്യാം ബാബു എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: