കൊച്ചി: നിരാലംബര്ക്ക് ധനസഹായം എത്തിക്കുന്ന സാമൂഹ്യസേവാകേന്ദ്രം 1991 മുതല് ഏര്പ്പെടുത്തിയ ശ്രീ ഗുരുജി സേവാ പുരസ്കാരത്തിന് ശ്രീ വിദ്യിദിരാജ ചാരിറ്റബിള് ട്രസ്റ്റ് അര്ഹമായി. രാഷ്ട്രീയ സ്വയംസേവക സംഘത്തിന്റെ രണ്ടാമത്തെ സര്സംഘചാലക് ഗുരുജിയുടെ – മാധവ സദാശിവ ഗോള്വള്ക്കര് – സ്മരണയിലാണ് പുരസ്ക്കാരം ഏര്പ്പെടുത്തിയിരിക്കുന്നത്. 25001 രൂപയും, ഗുരുജിയുടെ ചിത്രം ആലേഖനം ചെയ്ത ഫലകവും, പ്രശംസാപത്രവുമാണ് നല്കുന്നത്. കോട്ടയം ജില്ലയിലെ വാഴൂര് തീര്ത്ഥപാദാശ്രമം കേന്ദ്രമായി പ്രവര്ത്തിക്കുന്ന ശ്രീ വിദ്യിദിരാജ ചാരിറ്റബിള് ട്രസ്റ്റ് ശയ്യാവലംബികളായ രോഗികളെ ശുശ്രൂഷിക്കുകയും, അവര്ക്ക് വേണ്ട ചികിത്സാ സൗകര്യങ്ങള് ഒരുക്കി കൊടുക്കുകയും, ആവശ്യമുള്ള മരുന്നുകള് എത്തിച്ചുകൊടുക്കുകയും, നേഴ്സിംഗും ഡോക്ടറുടെ സേവനവും ചെയ്തുകൊടുക്കുന്നുണ്ട്. അവരുടെ ഈ സേവനത്തിനുള്ള അംഗീകാരമായിട്ടാണ് ഈ പുരസ്കാരം. ഇന്ന് വൈകുന്നേരം 3 മണിക്ക് കൊടുങ്ങൂരിലെ ദേവി ഓഡിറ്റോറിയത്തില് നടക്കുന്ന ചടങ്ങില് പുരസ്കാര സമര്പ്പണം നടക്കും. പൂജ്യ പ്രജ്ഞാനന്ദ തീര്ത്ഥപാദസ്വാമികള് അനുഗ്രഹഭാഷണവും, രാഷ്ട്രീയ സ്വയംസേവക സംഘം പ്രാന്തകാര്യവാഹ് ഗോപാലന്കുട്ടി മാസ്റ്റര് മുഖ്യപ്രഭാഷണവും സ്വാമി കൃഷ്ണാനന്ദ തീര്ത്ഥപാദര് പ്രതിവചനവും നടത്തുന്നതാണ്. സാമൂഹ്യസേവാകേന്ദ്ര അദ്ധ്യക്ഷന് കൃഷ്ണദാസിന്റെ അദ്ധ്യക്ഷതയില് കൂടുന്ന യോഗത്തില് വി. ലക്ഷ്മണ പ്രഭു സ്വാഗതവും, ആര് വിശ്വനാഥ കമ്മത്ത് സംഘടനയെ പരിചയപ്പെടുത്തുകയും ചെയ്യും.
പ്രതികരിക്കാൻ ഇവിടെ എഴുതുക: