കണ്ണൂര്: പരിയാരം മെഡിക്കല് കോളേജ് സര്ക്കാര് ഏറ്റെടുക്കണമെന്നാവശ്യപ്പെട്ടുകൊണ്ട് പ്രക്ഷോഭ സമിതി ജനുവരി 19 മുതല് കലക്ടറേറ്റിന് മുന്നില് നടത്തിവന്നിരുന്ന അനിശ്ചിതകാല നിരാഹാര സമരം അവസാനിപ്പിച്ചു. മെഡിക്കല് കോളേജ് ഏറ്റെടുക്കുന്നതിനായി 100 കോടി രൂപ ബജറ്റില് വകയിരുത്തിയതിന്റെ പശ്ചാത്തലത്തിലാണ് സമരം അവസാനിപ്പിച്ചത്. കണ്ണൂര് രൂപതാ ബിഷപ്പ് ഡോ.അലക്സ് വടക്കുംതല സത്യഗ്രഹി രാഘവന് കാവുമ്പായിക്ക് നാരങ്ങാനീര് നല്കി. ചടങ്ങില് ഡി.സുരേന്ദ്രനാഥ് അധ്യക്ഷത വഹിച്ചു. ഫാ.ദേവസി ഇരത്തറ, അഡ്വ.വിനോദ് പയ്യട, ഇ.മനീഷ്, ജെയ്സണ് ഡൊമനിക്, ജോണി പാമ്പാടിയില്, പ്രൊഫ.ജമാലുദ്ദീന്, പി.ബാലന് മാസ്റ്റര്, കെ.കെ.സജീവന്, സി.വി.നാരായണന്, രാജന് കോരമ്പേത്ത്, എ.ഗോപാലന്, പള്ളിപ്രം പ്രസന്നന്, വിനോദ് രാമന്തളി, ദേവദാസ്, രാജീവന് കപ്പച്ചേരി, മനോഹരന് പാനൂര്, ഭാസ്കരന് മൊറാഴ, കെ.പി.ചന്ദ്രാംഗദന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: