കൊല്ലം: ക്ഷീരവികസന വകുപ്പിന്റെ ആഭിമുഖ്യത്തില് ജില്ലയിലെ ക്ഷീരസഹകരണസംഘങ്ങള്, മില്മ, കേരള ഫീഡ്സ്, ത്രിതല പഞ്ചായത്തുകള്, സഹകരണബാങ്കുകള്, ധനകാര്യ സ്ഥാപനങ്ങള് എന്നിവയുടെ സഹകരണത്തോടെ 18, 19 തീയതികളില് കൊല്ലം ജില്ലാ ക്ഷീരസംഗമം സംഘടിപ്പിക്കും. 19ന് രാവിലെ 10ന് നടക്കുന്ന ക്ഷീരകര്ഷകസംഗമം മന്ത്രി കെ.സി.ജോസഫും പൊതുസമ്മേളനം കൊടിക്കുന്നില് സുരേഷ് എംപിയും ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.ജഗദമ്മ അധ്യക്ഷത വഹിക്കും. ക്ഷീരവികസന വകുപ്പ് ഡയറക്ടര് കെ.ടി.സരോജിനി ആമുഖപ്രഭാഷണം നടത്തും. ക്ഷീരകര്ഷകനെ തിരുവനന്തപുരം മേഖലാ ക്ഷീരോല്പാദക യൂണിയന് ചെയര്മാന് കല്ലട രമേശും വനിതാ കര്ഷകയെ ശാസ്താംകോട്ട ബ്ലോക്ക് പഞ്ചായത്ത് പ്രസിഡന്റ് സുമയും മികച്ച കര്ഷകനെ കേരള ക്ഷീരകര്ഷക ക്ഷേമനിധി ചെയര്മാന് ജോണ്ജേക്കബ് വള്ളക്കാലിലും ആദരിക്കും. മില്ക്ക് റൂം നിര്മാണ ധനസഹായ വിതരണം ജില്ലാ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്പേഴ്സ ആശാ ശശിധരന് നിര്വഹിക്കും. പട്ടികജാതി-വര്ഗ കര്ഷകനെ ജില്ലാ പഞ്ചായത്തംഗം കെ.ശോഭനയും ഏറ്റവും കൂടുതല് പാല് സംഭരിച്ച ആപ്കോസ് സംഘത്തെ ശാസ്താംകോട്ട ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്മാന് അബ്ദുള് ലത്തീഫും ആദരിക്കും. മില്ക്ക് ഷെഡ് ഡവലപ്മെന്റ് പദ്ധതി ധനസഹായ വിതരണം ശാസ്താംകോട്ട ബ്ലോക്ക് പഞ്ചായത്തംഗം കാരയ്ക്കാട്ട് അനിലും കുളമ്പുരോഗം മൂലം മരണപ്പെട്ട പശുവിന്റെ ഉടമസ്ഥനുള്ള ധനസഹായ വിതരണം ശാസ്താംകോട്ട ബ്ലോക്ക് പഞ്ചായത്തംഗം അക്കരയില് ഹുസൈനും നിര്വഹിക്കും. നെടിയവിള ക്ഷീരസംഘം പ്രസിഡന്റ് കെ.നാരായണന് സ്വാഗതവും ക്ഷീരവികസന വകുപ്പ് ടെക്നിക്കല് അസിസ്റ്റന്റ് കെ.ജയലക്ഷി നന്ദിയും പറയും.
പ്രതികരിക്കാൻ ഇവിടെ എഴുതുക: