ഇടുക്കി: അടിമാലിയില് നിരവധി മോഷണ കേസുകളിലെ പ്രതി പിടിയില്. രാജാക്കാട് ചുടന്മല നടുമറ്റം ജോസഫ് (അപ്പച്ചന്-65) ആണ് അടിമാലി പോലീസിന്റെ പിടിയിലായത്. കമ്പിലൈന് മരിയന് നഗര് പളളിയില് നിന്നും 30 കിലോ കുരുമുളകും 1500 രൂപയും മോഷണം പോയ കേസിലാണ് പ്രതി കുടുങ്ങുന്നത്. ഇന്നലെ ഉച്ചയോടെ അടിമാലി മച്ചിപ്പാവില് നിന്നാണ് പ്രതിയെ എസ്ഐ ലാല് സി ബേബിയും സംഘവും പിടികൂടിയത്. നിരവധി തവണ ജയില് ശിക്ഷ അനുഭവിച്ച പ്രതി അടുത്തിടെയാണ് പുറത്തിറങ്ങിയത്. മോഷണത്തിനായി പളളിയില് കയറിയ അപ്പച്ചന് പളളിയില് ഭക്ഷണം പാകംചെയ്ത് കഴിച്ചതിന് ശേഷമാണ് പോയത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു. ഇയാള്ക്കെതിരെ നിലവില് രാജാക്കാടും, വെള്ളത്തൂവലിലും മോഷണ കേസ് നിലവിലുണ്ട്. ആനച്ചാലിന് സമീപം അടച്ചിട്ടിരുന്ന വീട്ടില് നിന്നും കഴിഞ്ഞ ദിവസം 24000 രൂപ മോഷണം പോയ സംഭവത്തിലും പ്രതിയാണ് പിടിയിലായ അപ്പച്ചന്. ആനച്ചാല് തട്ടാത്തിമുക്ക് കാവ്യഭവനില് ബെന്സിഗറിന്റെ വീട്ടിലാണ് പട്ടാപകല് മോഷണം നടന്നത്. കേസില് പ്രതിയെ അടുത്ത ദിവസം അപ്പച്ചനെ തന്നെ കസ്റ്റഡിയില് വാങ്ങുമെന്ന് വെള്ളത്തൂവല് എസ്.ഐ വര്ഗ്ഗീസ് പറഞ്ഞു.
പ്രതികരിക്കാൻ ഇവിടെ എഴുതുക: