കൊല്ലം: കേന്ദ്ര സര്ക്കാരിന്റെ ദീന്ദയാല് ഉപാധ്യായ ഗ്രാമീണ കൗശല്യ യോജനയുടെ ഭാഗമായി പരിശീലനം പൂര്ത്തിയാക്കിയ ചവറ ഗ്രാമപഞ്ചായത്തിലെ ഡബഌൂ.ഗിബോളിയന്സിന് ദുബായിലെ ഹോട്ടല് ഗ്രൂപ്പിലേക്കുള്ള നിയമന ഉത്തരവ് ജില്ലാ കളക്ടര് എ.ഷൈനാമോള് കൈമാറി.
കളക്ടറുടെ ചേമ്പറില് നടന്ന ചടങ്ങില് കുടുംബശ്രീ ജില്ലാ മിഷന് കോ-ഓര്ഡിനേറ്റര് എച്ച് സഫീര്, അസിസ്റ്റന്റ് കോ-ഓര്ഡിനേറ്റര് ഷീബാ സെബാസ്റ്റ്യന്, ജില്ല കസള്’ന്റ് അരുരാജ്, ബ്ലോക്ക് കോ-ഓര്ഡിനേറ്റര്മാരായ അനുദാസ്, ഹരീഷ്, ഷിനിമോള്, പരിശീലനസ്ഥാപനത്തിന്റെ പ്രതിനിധി ബിനു തുടങ്ങിയവര് പങ്കെടുത്തു.
കേരളത്തില് കുടുംബശ്രീ മിഷന് വഴി നടപ്പാക്കി വരുന്ന ദീന്ദയാല് ഉപാധ്യായ ഗ്രാമീണ കൗശല്യ യോജനയുടെ ഭാഗമായുള്ള സൗജന്യപരിശീലനവും തൊഴിലും പരിപാടിയിലൂടെ ആദ്യമായി വിദേശത്ത് തൊഴില് ലഭിച്ച ആളാണ് ഗിബോളിയന്സ്. പദ്ധതിയുടെ ഭാഗമായി ജില്ലയിലെ വിവിധ പഞ്ചായത്തുകളില് നിന്നും തെരഞ്ഞെടുത്ത ആയിരത്തിലധികം പേര്ക്ക് സൗജന്യപരിശീലനം നല്കുകയും വിജയകരമായി പൂര്ത്തിയാക്കിയവര്ക്ക് തൊഴില് ഉറപ്പാക്കുകയും ചെയ്തതായി ജില്ലാ മിഷന് കോ-ഓര്ഡിനേറ്റര് അറിയിച്ചു.
പ്രതികരിക്കാൻ ഇവിടെ എഴുതുക: