ചങ്ങനാശ്ശേരി: ചങ്ങനാശ്ശേരിയിലേക്ക് ആലപ്പുഴയില്നിന്നു വരികയായിരുന്ന കണ്ടെയ്നര് ലോറി പാലത്തിന്റെ കൈവരികള് തകര്ത്ത് തോട്ടിലേക്ക് മറിഞ്ഞു. ഡ്രൈവര് അദ്ഭുതകരമായി രക്ഷപ്പെട്ടു. പാലത്തിന്റെ ഇടതുഭാഗത്തുള്ള കൈവരികള് പകുതിയോളം തകര്ത്തുകൊണ്ടാണ് ലോറി മറിഞ്ഞത്. മേലുകാവ് സ്വദേശി അഖിലാണ് ലോറി ഓടിച്ചിരുന്നത്. നിസാര പരിക്കേറ്റ ഇയാള് അത്ഭുതകരമായി രക്ഷപ്പെട്ടു. ഇന്നലെ വെളുപ്പിന് അഞ്ചുമണിക്കാണ് അപകടം. പാലത്തിന്റെ വീതിക്കുറവ് ഡ്രൈവറുടെ ശ്രദ്ധയില്പെടാത്തതാവാം അപകടത്തിനു കാരണമെന്ന് സംശയിക്കുന്നു. ആലപ്പുവ-ചങ്ങനാശ്ശേരി പാത അന്താരാഷ്ട്ര നിലവാരത്തില് നിര്മ്മിച്ചെങ്കിലും നിലവിലുള്ള ചെറിയ പാലങ്ങള് അപകടം പതിയിരിക്കുന്ന ഇടങ്ങളായി തുടരുന്നു.
ഈ ഭാഗത്ത് നടന്ന അപകടങ്ങളില്പ്പെട്ട് നിരവധിയാളുകള് മരിച്ചിട്ടുണ്ട്. പാലത്തിന്റെ സമീപത്തെ തെരുവുവിളക്കുകള് കത്തുന്നില്ലെന്ന് സമീപവാസികള് പറഞ്ഞു. ഇവിടെ പാലം ഉണ്ടെന്നു പാലത്തിനു സമീപമെത്തുമ്പോഴെ അറിയാന് സാധിക്കൂ. ഇവിടെ അപകടമുന്നറിയിപ്പും സൂചനാ ബോര്ഡുകളും സ്ഥാപിച്ച് വാഹന അപകടങ്ങള് ഒഴിവാക്കുവാന് പൊതുമരാമത്തു വിഭാഗം വേണ്ട നടപടികള് സ്വീകരിക്കണമെന്നാണ് നാട്ടുകാരുടെ ആവശ്യം.
പ്രതികരിക്കാൻ ഇവിടെ എഴുതുക: