കോട്ടയം: മുഖ്യമന്ത്രി ഉമ്മന്ചാണ്ടിയുടെ വാഹനം അപകടത്തില്പ്പെട്ടു. സംഭവത്തില് മുഖ്യമന്ത്രിക്ക് പരിക്കില്ല.ഇന്നലെ പുലര്ച്ചെ രണ്ടേമുക്കാലോടെ ഏറ്റുമാനൂര് എറണാകുളം റോഡില് കാണക്കാരി പള്ളിപ്പടിയിലെ വളവിലാണ് സംഭവം.എറണാകുളം ഭാഗത്തു നിന്നും കോട്ടയത്തേക്ക് വരികയായിരുന്ന മുഖ്യമന്ത്രിയുടെ കാര് പള്ളിപ്പടിയിലെ വളവ് തിരിഞ്ഞ് നിയന്ത്രണംവിട്ട് സ്വകാര്യ വ്യക്തിയുടെ മതിലിനോട് ചേര്ന്ന ഓടയില് കുടുങ്ങുകയായിരുന്നു. കാറിന്റെ ചില്ല് തകര്ന്ന് വീണ് കൂടെയുണ്ടായിരുന്ന ഗണ്മാന് പരിക്കേറ്റു. പിന്നീട് എക്്സ്കോര്ട്ട് വാഹനത്തില് നാട്ടകം ഗസ്റ്റ് ഹൗസിലെത്തിയ മുഖ്യമന്ത്രിയെ ജില്ലാ ജനറല് ആശുപത്രിയിലെ ഡോക്ടര്മാര് പരിശോധിച്ചു. സംഭവം അറിഞ്ഞ് കുറവിലങ്ങാട് പോലീസ് അപകടസ്ഥലത്തെത്തിയിരുന്നു.ഇന്നലെ രാവിലെ ഒമ്പതോടെ പോലീസിന്റെ നേതൃത്വത്തില് ക്രെയിന് ഉപയോഗിച്ചാണ് കാര് ഓടയില് നിന്നും പൊക്കിയെടുത്തത്.
പ്രതികരിക്കാൻ ഇവിടെ എഴുതുക: