നുണകള് മെനയാനും അതിനെ ഉപയോഗിക്കുന്നതിനും എത്ര വിദഗ്ദ്ധരാണ് കോണ്ഗ്രസ് എന്ന് വീണ്ടും തെളിയിക്കുന്നു. ഇത്തരം നുണകളുടെ മേലെ കെട്ടിപൊക്കി ഇത്രയും നാള് അധികാരം കയ്യാളിയിരുന്ന ആ പ്രസ്ഥാനത്തിന് ഇന്ന് അത് നഷ്ടപെട്ടപ്പോള് എങ്ങേനെയും അത് തിരികെ പിടിക്കുന്നതിനായി ഇപ്പോള് വീണ്ടും എന്തെല്ലാം പ്രചാരണങ്ങളാണ് നടത്തിക്കൊണ്ടിരിക്കുന്നത്. അത് അതിര് കടന്നു കടന്നു രാജ്യദ്രോഹികളുടെ കൂടെവരെ കൂടി രാജ്യത്തെ നശിപ്പിക്കുന്ന തലത്തിലേക്ക് എത്തി എന്നതാണ് അവസാനം നാം ജെഎന്യു വിഷയത്തില് കണ്ടത്. തങ്ങള്ക്ക് ഇല്ല എങ്കില് നശിപ്പിച്ചു കളയുക എന്നാണ് നയം.
അധികാരം നഷ്ടപ്പെട്ടാല് ഇനി അത് കിട്ടില്ല എന്ന് തോന്നിയാല് രാജ്യത്തെ തന്നെ ഇല്ലാതാക്കുക. കഷ്ടം. തങ്ങള്ക്കു ഉണ്ടായേക്കാവുന്ന പ്രതിയോഗിയെ തിരിച്ചറിഞ്ഞു നേരത്തെ തന്നെ ഇല്ലാതാക്കുന്ന കോണ്ഗ്രസിന്റെ തന്ത്രം.
ഇസ്രത് ജഹാന് കേസ് വച്ച് മോദിയെ കുടുക്കാന് ശ്രമിച്ചു എന്നത് മാത്രമല്ല വ്യാജപ്രചാരണങ്ങള് നടത്തി രാജ്യത്തെ ജനങ്ങളുടെ ഇടയില് എത്ര വലിയ ഭിന്നിപ്പ് ഉണ്ടാക്കി. ഐബി എന്ന വ്യവസ്ഥിതിയുടെ മനോബലം തന്നെ ഇല്ലാതാക്കി. എത്രപേരെ ജയിലിലാക്കി. ഇത്തരത്തിലുള്ള നുണകള് ഇന്നും പ്രചരിപ്പിക്കുകയാണ് ഇക്കൂട്ടര്. എത്രയെത്ര സാങ്കല്പിക കഥാപാത്രങ്ങളെ സൃഷ്ടിച്ചു പ്രചരിപ്പിച്ചു, ഇന്നും അത് തുടരുന്നു. കമ്മ്യൂണിസ്റ്റുകാര് പിന്നെ നുണ പ്രചരണത്തിന്റെ അപ്പോസ്തലന്മാരാണ് അന്നും ഇന്നും.
അതുകൊണ്ട് അവരെ പറ്റി വലിയ അതിശയം ഇല്ല. എന്നാല് കോണ്ഗ്രസ്.? കോണ്ഗ്രസ് മുക്ത ഭാരതം എന്ന മുദ്രാവാക്യത്തോട് ഒരിക്കലും യോചിപ്പ് ഉണ്ടായിരുന്നില്ല.. എന്നാല് ഇന്ന് അത് മനസുകൊണ്ട് ആഗ്രഹിച്ചു പോകുന്നു.
സഞ്ജു ബാബു
പ്രതികരിക്കാൻ ഇവിടെ എഴുതുക: