കൊളംബൊ: ട്വന്റി20 ലോകകപ്പ് ക്രിക്കറ്റിനുള്ള ശ്രീലങ്കന് ടീമില് മാറ്റം. പരിക്കേറ്റ ലസിത് മലിംഗ നായക സ്ഥാനം രാജിവച്ചതിനു പിന്നാലെയാണ് ടീമില് മാറ്റം വരുത്താന് പുതിയ സെലക്ഷന് കമ്മറ്റി തീരുമാനിച്ചത്.
നിരോഷന് ഡിക്വെല്ല, ജെഫ്രി വാന്ഡെര്സെ എന്നിവര്ക്കു പകരം ലാഹിരു തിരിമന്നെ, സുരംഗ ലക്മല് എന്നിവരെ ടീമില് ഉള്പ്പെടുത്തി. ടെസ്റ്റ്, ഏകദിന നായകന് ഏയ്ഞ്ചലോ മാത്യൂസിനെ ട്വന്റി20യുടെയും നായകനായി കഴിഞ്ഞ ദിവസം പ്രഖ്യാപിച്ചിരുന്നു.
തിരിമന്നെയുടെ ഒഴിവാക്കലിനെ പരസ്യമായി വിമര്ശിച്ച മുന് നായകര് അരവിന്ദ് ഡിസില്വയും കുമാര് സംഗക്കാരയും സെലക്ഷന് കമ്മറ്റിയിലെത്തിയതാണ് തിരിമന്നെയ്ക്ക് തുണയായത്. ടീം ഇന്ത്യയിലേക്ക് പുറപ്പെടുന്നതിന്റെ തലേന്ന് ടീമിലെ മാറ്റം. അതേസമയം, ടീമില് തുടരുന്ന മലിംഗ പരിക്ക് ഭേദമായാല് 17ന് ആദ്യ മത്സരത്തില് കളിക്കും.
ടീം: ഏയ്ഞ്ചലോ മാത്യൂസ് (നായകന്), ദുഷ്മന്ത ചമീര, ദിനേശ് ചണ്ഡിമല്, ലാഹിരു തിരിമന്നെ, തിലകരത്നെ ദില്ഷന്, രംഗന ഹെറാത്ത്, ഷെഹാന് ജയസൂര്യ, ചമര കപുഗെദര, നുവാന് കുലശേഖര, ലസിത് മലിംഗ, തിസര പെരേര, സചിത്ര സേനനായകെ, ദാസുന് ഷന്ക, മിലിന്ദ സിരിവര്ധനെ, സുരംഗ ലക്മല്.
പ്രതികരിക്കാൻ ഇവിടെ എഴുതുക: