തിരുവനന്തപുരം: അനന്തപുരി ഹിന്ദുധര്മ പരിഷത്തിന്റെ ആഭിമുഖ്യത്തില് ഇ.കെ. നായനാര് പാര്ക്കില് (കിഴക്കേക്കോട്ട) സ്വാമി സത്യാനന്ദ സരസ്വതി നഗറില് ഈ മാസം 11 മുതല് 18 വരെ ഹിന്ദുമഹാസമ്മേളനം നടക്കും. സമ്മേളന പന്തലില് ഉയര്ത്താനുള്ള ധര്മ പതാക കുളച്ചല് യുദ്ധ സ്മാരകത്തില് നിന്ന് തക്കല പഞ്ചായത്ത് പ്രസിഡന്റ് കണ്വീനര് പ്രൊഫ. സുഭാഷ്കുമാറിന് കൈമാറും. നിരവധി വാഹനങ്ങളുടെ അകമ്പടിയോടെ പാറശാല മഹാദേവ ക്ഷേത്രത്തില് സമ്മേളനത്തിന്റെ സ്വാഗത സംഘാംഗങ്ങള് പതാക ഏറ്റുവാങ്ങി. വൈകുന്നേരം 6ന് സ്വാഗതം സംഘം ഓഫീസില് എത്തിക്കും.
സമ്മേളനപന്തലില് ജ്വലിപ്പിക്കാനുള്ള ഭദ്രദീപം ചെങ്കോട്ടുകോണം ശ്രീരാമദാസമിഷന് ആശ്രമത്തില് നിന്ന് ആശ്രമം പ്രസിഡന്റ് സ്വാമി ബ്രഹ്മപാദാനന്ദയില് നിന്ന് സ്വാഗതസംഘം ജനറല് കണ്വീനര് കെ. രാജശേഖരന് ഏറ്റുവാങ്ങും. പതാക ഉയര്ത്താനുള്ള ധ്വജനസ്തംഭം ശ്രീകണ്ഠേശ്വരത്തുനിന്ന് ജി. സുധാകരന്റെ നേതൃത്വത്തില് ഘോഷയാത്രയായി 10 ന് രാവിലെ 7ന് കൊണ്ടുപോകും. രഞ്ജിത്ത് കാര്ത്തികേയന്, പി. അശോക് കുമാര്, വി.ജി. ഷാജു, എ.കെ.എന്. അരുണ് തുടങ്ങിയവര് നേതൃത്വം നല്കുമെന്ന് സ്വാഗതസംഘം ജനറല് കണ്വീനര് കെ.രാജശേഖരനും, ജനറല് സെക്രട്ടറി എം. ഗോപാലും അറിയിച്ചു.
11 ന് വൈകിട്ട് 6 ന് വെള്ളിമല വിവേകാനന്ദ ആശ്രമം മഠാധിപതി സ്വാമി ചൈതന്യാനന്ദജി പതാക ഉയര്ന്നതോടെ ഹിന്ദു മഹാസമ്മേളനം ആരംഭിക്കും. ബ്രഹ്മപാദാനന്ദ സരസ്വതി ദീപപ്രജ്വലനം നടത്തും. ഒ. രാജഗോപാല്, പ്രൊഫ. റിച്ചാര്ഡ് ഹേ എം.പി, രഞ്ജിത്ത് കാര്ത്തികേയന്, ഡോ. ബിജു രമേശ്, പി. അശോക് കുമാര്, കെ. രാജശേഖരന്, പി.കെ. കുഞ്ഞ്, തൃപ്പാദപുരം ജയകുമാര് എന്നിവര് സംസാരിക്കും. ഉദ്ഘാടന സമ്മേളനത്തിന് മുന്നോടിയായി ഭരതനാട്യം അവതരിപ്പിക്കും. 12 ന് രാവിലെ 10 ന് ഡോ. എന്. ഗോപാലകൃഷ്ണന് നേതൃത്വം നല്കുന്ന വേദപഠനമുണ്ടാകും.
11 ന് വൈകിട്ട് 4.45 ന് ഹൈന്ദവനവോത്ഥാന സമ്മേളനത്തില് കുളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി പ്രഭാഷണം നടത്തും. 6 ന് ശാസ്ത്രീയ സംഗീത സദസ്സ്. 6.45 ന് ഡോ. മധുസൂദനന് പിള്ളയുടെ അധ്യക്ഷതയില് കേസരി മുഖ്യപത്രാധിപര് ഡോ. എന്.ആര്. മധു പ്രഭാഷണം നടത്തും.
13 ന് രാവിലെ 10 ന് സദ്ഭാവനാസമ്മേളനം സ്വാമി മഹേശ്വരാനന്ദ അനുഗ്രഹപ്രഭാഷണം നടത്തും. ഡോ. പ്രദീപ് ജ്യോതി അധ്യക്ഷത വഹിക്കും. സ്വാമി അയ്യപ്പദാസ് ഉദ്ഘാടനം ചെയ്യും. ഇ.എസ്. ബിജു മുഖ്യപ്രഭാഷണം നടത്തും. വിവിധ സമുദായങ്ങളിലെ പ്രമുഖര്, ക്ഷേത്രഭാരവാഹികള്, പൂജാരിമാര് എന്നിവര് ചര്ച്ചകള്ക്ക് നേതൃത്വം കൊടുക്കും. ഡോ. വിജയകുമാര്, രാജു കരമന തുടങ്ങിയവര് സംസാരിക്കും.
14 ന് രാവിലെ 10 ന് പാരമ്പര്യവൈദ്യ-വനവാസി സംഗമം പാലക്കാട് തപോധ്യന് ആശ്രമം മഠാധിപതി സ്വാമി ഗോകുല്ദാസ് ഉദ്ഘാടനം ചെയ്യും.
14 ന് വൈകിട്ട് 6 ന് സാമ്പത്തിക സമ്മേളനം ഡോ. അയ്യപ്പന് നായരുടെ അധ്യക്ഷതയില് സ്വാമി വിവേകാമൃത ചൈതന്യ ഉദ്ഘാടനം ചെയ്യും. ഹൈന്ദവ സാമ്പത്തികം ഇന്നലെ, ഇന്ന്, നാളെ എന്ന വിഷയത്തില് പ്രശസ്ത മാനേജ്മെന്റ് വിദഗ്ധന് ഡോ. കനകസഭാപതി പ്രഭാഷണം നടത്തും. ഡോ. പി. ഹരിന്ദ്രന് നായര്, പി.സുധാകര്, എം.എസ്. വിഷ്ണു എന്നിവര് സംസാരിക്കും.
15 ന് വൈകുന്നേരം 5 ന് ശിവാനന്ദ യോഗവേദാന്ത ധന്വന്തരി ആശ്രമത്തിലെ സ്വാമി നടരാജ് യോഗസാധന എന്ന വിഷയത്തില് സംസാരിക്കും. 6 ന് പരിസ്ഥിതി സമ്മേളനം ശാന്തിഗിരി ആശ്രമം ഓര്ഗനൈസിംഗ് സെക്രട്ടറി സ്വാമി ഗുരുരത്നം ജ്ഞാനതപസ്വി ഉദ്ഘാടനം ചെയ്യും. നിംസ് എം.ഡി. ഫൈസല്ഖാന് അധ്യക്ഷത വഹിക്കും. ഡോ. എന്.സി. ഇന്ദുചൂഢന്, ശശിമോഹന്, നജികമല എന്നിവര് സംസാരിക്കും.
16 ന് രാവിലെ 9.30 ന് നാരായണീയ സമ്മേളനം തിരുമല ആനന്ദാശ്രമം മഠാധിപതി സ്വാമി സുകുമാരാനന്ദ ഉദ്ഘാടനം ചെയ്യും. വൈകിട്ട് 6 ന് ഡോ. എന്. ഗോപാലകൃഷ്ണന് പ്രഭാഷണം നടത്തും. അഡ്വ. ഗീതാദേവി, ജി. വേണുഗോപാല്, എ.കെ.എന്. അരുണ് എന്നിവര് സംസാരിക്കും.
17 ന് വൈകുന്നേരം 6 ന് യുവജന-ജീവകാരുണ്യസമ്മേളനം പ്രൊഫ. എം.എസ്. രമേശന് ഉദ്ഘാടനം ചെയ്യും. സി.എസ്. മോഹനന്, വി.വി. രാജേഷ്, എം.യു.ഹരിദാസ്, വി.ജി. ഷാജു തുടങ്ങിയവര് സംസാരിക്കും.
അംഗവൈകല്യമുള്ളവര്ക്ക് വീല്ചെയര് വിതരണം ചെയ്യും. ക്യാന്സര് രോഗികള്ക്കും വൃക്കരോഗികള്ക്കും സാമ്പത്തിക സഹായവും നിര്ധനരായ 101 കുടുംബങ്ങള്ക്ക് അരിയും 10 സാധനങ്ങളടങ്ങിയ കിറ്റും വിതരണം ചെയ്യും.
18 ന് സമാപന സമ്മേളനം ഒ. രാജഗോപാല് ഉദ്ഘാടനം ചെയ്യും. എം. രാധാകൃഷ്ണന് മുഖ്യപ്രഭാഷണവും കെ. രാജശേഖരന് സമാപന സന്ദേശവും നല്കും. കെ.എന്. വെങ്കിടേഷ്, തിരുമല അനില് എ. സുരേഷ്കുമാര് എന്നിവര് സംസാരിക്കും.
14 ന് രാത്രി 8 ന് സബീഷ്ബാല അവതരിപ്പിക്കുന്ന ഹിന്ദുസ്ഥാനി ക്ലാസിക്കല് ഭജന് ഉണ്ടാകും.
പ്രതികരിക്കാൻ ഇവിടെ എഴുതുക: