തോട്ടപ്പള്ളി: സിപിഎം, ഡിവൈഎഫ്ഐ അക്രമങ്ങള്ക്കെതിരെ തോട്ടപ്പള്ളിയില് ഹിന്ദു ഐക്യവേദി പ്രതിഷേധ പ്രകടനം നടത്തി. കഴിഞ്ഞ ദിവസം ആര്എസ്എസ് ശാഖ മുഖ്യശിക്ഷകിനെ ഡിവൈഎഫ്ഐ ക്രിമിനല് സംഘം അക്രമിച്ചതിനെതിരെയായിരുന്നു പ്രതിഷേധ പ്രകടനം നടന്നത്.
തോട്ടപ്പള്ളി ചേന്നങ്കരിയില് നിന്നും ആരംഭിച്ച പ്രകടനം തോട്ടപ്പള്ളി ജങ്ഷനില് സമാപിച്ചു. പ്രതിഷേധയോഗം ഹിന്ദുഐക്യവേദി ജില്ലാ സെക്രട്ടറി പി.എന്. ജിനു ഉദ്ഘാടനം ചെയ്തു. പുറക്കാട് ഗ്രാമപഞ്ചായത്തംഗം ആരോമല് അദ്ധ്യക്ഷത വഹിച്ചു.
ബിജെപി ജില്ലാ വൈസ് പ്രസിഡന്റ് കൊട്ടാരം ഉണ്ണികൃഷ്ണന് സംസാരിച്ചു. ആര്എസ്എസ് അമ്പലപ്പുഴ താലൂക്ക് സഹകാര്യവാഹ് ജി. സുമേഷ് സ്വാഗതവും ശ്യാം നന്ദിയും പറഞ്ഞു. സിപിഎം നേതാക്കള് രാഷ്ട്രീയ ലാഭത്തിനായി സംഘ പരിവാര് പ്രവര്ത്തകര്ക്കുനേരെ അക്രമത്തിനു മുതിര്ന്നാല് സമാധാനത്തിന്റെ പാത ഉപേക്ഷിക്കേണ്ടിവരുമെന്നും ഇപ്പോള് പ്രവര്ത്തകര് കാട്ടുന്ന ആത്മസംയമനം ദൗര്ബല്യമായി കാണരുതെന്നും ഉദ്ഘാടന പ്രസംഗത്തില് ജിനു പറഞ്ഞു. പ്രദേശത്ത് കഴിഞ്ഞ നിരവധി നാളുകളായി സംഘ പരിവാര് പ്രവര്ത്തകര്ക്കുനേരെ സിപിഎം ഗുണ്ടകള് അക്രമം അഴിച്ചുവിടുകയായിരുന്നു.
പ്രതികരിക്കാൻ ഇവിടെ എഴുതുക: