ആലപ്പുഴ: വിവിധ ആവശ്യങ്ങള് ഉന്നയിച്ച് കേരള അഗ്രസീവ് ഡയറി ഫാര്മേഴ്സ് അസോസിയേഷന് ജില്ലാ കമ്മറ്റിയുടെ ആഭിമുഖ്യത്തില് ഇന്ന് മുല്ലയ്ക്കല് ഗണപതിക്ക് പശുവിനെ കറന്ന് പാല് കൊടുത്ത് ക്ഷീരധാര സമരം നടത്തും. സര്ക്കാരും രാഷ്ട്രീയ കക്ഷികളും ക്ഷീരകര്ഷകരുടെ പ്രശ്നങ്ങള്ക്ക് പരിഹാരം കാണാത്ത സാഹചര്യത്തില് ദൈവം മാത്രമേ തുണയുള്ളൂവെന്ന് അസോസിയേഷന് ജില്ലാ പ്രസിഡന്റ് ആര്. സുനില് പത്രസമ്മേളനത്തില് അറിയിച്ചു. അസോസിയേഷന് അംഗങ്ങളായിട്ടുള്ള ക്ഷീരകര്ഷകര് അടുത്തമാസം ഒന്നുമുതല് ഒരുലിറ്റര് പാലിന് അമ്പതു രൂപ ഈടാക്കുമെന്നും അദ്ദേഹം പറഞ്ഞു. നിലവില് മില്മ സൊസൈറ്റിയില് പാല് അളക്കുന്ന കര്ഷകര്ക്കുമാത്രമേ ക്ഷേമനിധിയുള്ളൂ. എല്ലാ കര്ഷകരെയും ക്ഷേമനിധിയില് അംഗങ്ങളാക്കണമെന്നും അദ്ദേഹം ആവശ്യപ്പെട്ടു. സെക്രട്ടറി എ.എം. തിലകന്, ഭാരവാഹികളായ കൈലാസന്, ജിനോ, ടി.കെ. സുധീഷ്, എം.എം. മോഹനന് എന്നിവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: