എളയാവൂര്: എളയാവൂര് ക്ഷേത്രത്തിലെ പൂരമഹോത്സവം 19 മുതല് 22വരെ തിയ്യതികളില് വിപുലമായ പരിപാടികളോടെ നടക്കും. 18ന് എളയാവൂര് സൗത്ത്, മുച്ചിലോട്ട് കാവ് പരിസരം, വട്ടപ്പറമ്പ്, കാട്ടുമ്മച്ചാല് റോഡ്, വട്ടക്കാട്ടില് ഭുവനേശ്വരീ ക്ഷേത്ര പരിസരം, ചന്ദ്രോത്ത് പീടിക പരിസരം എന്നിവിടങ്ങളില് നിന്നും കലവറ നിറക്കല് ഘോഷയാത്ര പുറപ്പെടും. വൈകിട്ട് 6.30ന് നടക്കുന്ന സാംസ്കാരിക സമ്മേളനം കണ്ണൂര് മേയര് ഇ.പി.ലത ഉദ്ഘാടനം ചെയ്യും. ജീവനക്കാരുടെ ക്വാര്ട്ടേഴ്സ് നിര്മ്മാണ പ്രവര്ത്തന ഫണ്ട് ഉദ്ഘാടനം സജീവ് മാറോളി നിര്വ്വഹിക്കും. തന്ത്രിമാരായ തരണനെല്ലൂര് നമ്പൂതിരിപ്പാട്, കാട്ടുമാടം ഈശാനന് നമ്പൂതിരിപ്പാട് എന്നിവരും രാജീവന് എളയാവൂര്, സി.വി.ഗിരീഷ് കുമാര്, പി.എസ്.രാമനാഥ് എന്നിവരും സംസാരിക്കും. രാത്രി 8.30ന് തിരുവാതിരക്കളി. വൈകു.6.30മുതല് പ്രസാദ സദ്യ. 19ന് രാവിലെ 5.30ന് കെടാവിളക്ക് തെളിയിക്കല്. 7ന് കൊടിയിലവെപ്പ്, മേളപ്രദക്ഷിണം. 9ന് ലളിതാസഹസ്രനാമ പാരായണം. വൈകിട്ട് 2ന് കളംപാട്ട്, 3ന് മേളപ്രദക്ഷിണം, 4ന് നാട്ടെഴുന്നള്ളത്ത്, 6.30ന് ചാക്യാര് കൂത്ത്. രാത്രി 7.45ന് കളരിപ്പയറ്റ് പ്രദര്ശനം. 9.45ന് തിരുനൃത്തം. 20ന് വൈകിട്ട് 4ന് നാട്ടെഴുന്നള്ളത്ത്. രാത്രി 7ന് തായമ്പക. 8.30ന് തിരുനൃത്തം. 11ന് ചരിത്ര നാടകം. 21ന് വൈകുന്നേരം 4ന് നാട്ടെഴുന്നള്ളത്ത്, 6.45ന് ചാക്യാര്കൂത്ത്, രാത്രി 8ന് തിരുനൃത്തം, തുടര്ന്ന് ഡാന്സ് പ്രോഗ്രാം, 12ന് കളത്തിലരി. 22ന് രാവിലെ 9ന് ആറാട്ട്, ഉച്ചക്ക് 12ന് ആറാട്ട് സദ്യ, വൈകുന്നേരം 3.30ന് ഓട്ടന്തുള്ളല്, 4.45ന് തിരുനൃത്തം, രാത്രി 7.30ന് കളമെഴുത്തും പാട്ടും എന്നിവയാണ് പ്രധാന പരിപാടികള്.
പ്രതികരിക്കാൻ ഇവിടെ എഴുതുക: