കൊട്ടാരക്കര: കെഎസ്ആര്ടിസി ബസ് സ്റ്റാന്ഡില് നിന്നും ലഭിച്ച അഞ്ചുപവന് സ്വര്ണ്ണമാല ഉടമസ്ഥയ്ക്കു നല്കാനായി സെക്യൂരിറ്റി ഓഫീസിലേല്പ്പിച്ച നിര്ധന വിദ്യാര്ഥികള് മാതൃകയായി.
ഓടനാവട്ടത്ത് ഫാഷന് ഡിസൈനിങ് സ്കൂളില് പഠിക്കുന്ന പനവേലി സ്വദേശിനി സന്ധ്യ.കെ.എസ്, കോട്ടവട്ടം സ്വദേശിനി മായ എന്നിവരാണ് സത്യസന്ധതയുടെ പ്രതീകമായത്. ബുധനാഴ്ച വൈകിട്ട് നാലേകാലോടെ ആയിരുന്നു സംഭവം. സ്കൂള് വിട്ടു വീട്ടിലേക്കു മടങ്ങുകയായിരുന്ന ഇഞ്ചക്കാട് ഗവ.ഡബഌു എല്.പി.എസിലെ പ്രഥമാധ്യാപിക കൊല്ലം സ്വദേശിനി കെ.വി.അനിതയുടെ മാലയാണ് ബസ് സ്റ്റാന്റില് നഷ്ടമായത്. കൊല്ലം ബസ്സില് ചന്തമുക്കിലെത്തിയപ്പോഴാണ് മാല നഷ്ടപ്പെട്ട വിവരം അധ്യാപിക അറിയുന്നത്. ഉടന് തന്നെ തിരികെ സ്റ്റാന്ഡിലെത്തിയപ്പോഴേക്കും മാല ലഭിച്ച വിദ്യാര്ഥിനികള് അത് സെക്യൂരിറ്റി ഓഫീസറെ ഏല്പ്പിച്ചിരുന്നു.
ഇരുവരും നിര്ധന കുടുംബത്തില് നിന്നുള്ളവരും പരാധീനതകളേറെയുള്ളവരായിട്ടും കയ്യില്കിട്ടിയ മാല ഉടമസ്ഥയ്ക്കു തിരികെ നല്കി മാതൃകയാകുകയായിരുന്നു. സ്റ്റാന്ഡിലുണ്ടായിരുന്നവര് വിദ്യാര്ഥിനികളെ അനുമോദിച്ചു.
പ്രതികരിക്കാൻ ഇവിടെ എഴുതുക: