ഇറാനില്‍ ഭൂചലനം, നൂറോളം പേര്‍ക്ക് പരിക്ക്

Friday 20 January 2012 11:56 am IST

ടെഹ്റാന്‍: ഇറാനിലുണ്ടായ ഭൂചലനത്തില്‍ നൂറോളം പേര്‍ക്കു പരുക്കേറ്റു. നിരവധി വീടുകളും തകര്‍ന്നു. ആരെങ്കിലും മരിച്ചതായി റിപ്പോര്‍ട്ടില്ല. പരിക്കേറ്റവരില്‍ ഭൂരിഭാഗം പേരും പ്രാഥമിക ചികിത്സ തേടിയ ശേഷം ആശുപത്രി വിട്ടു. റിക്റ്റര്‍ സ്കെയിലില്‍ 5.5 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. വടക്കു കിഴക്കന്‍ ഇറാനിലെ നെയ്ഷാബര്‍ പ്രവിശ്യയിലാണ് ചലനം അനുഭവപ്പെട്ടത്. ആദ്യ ഭൂചലനത്തെത്തുടര്‍ന്നു 36 തുടര്‍ചലനങ്ങളും റിപ്പോര്‍ട്ട് ചെയ്തു. ഭൂചലനം ഏഴു മിനിറ്റ് നീണ്ടുനിന്നു. കെട്ടിടങ്ങള്‍ക്കു വിള്ളല്‍ വീഴുകയും ജനാലകള്‍ തകരുകയും ചെയ്തു. 2003ലെ ഭൂചലനത്തില്‍ 31,000 പേര്‍ കൊല്ലപ്പെട്ടിരുന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.