തൊടുപുഴ: തൊണ്ടിക്കുഴയില് സ്റ്റോപ്പ് മെമ്മോ ലംഘിച്ച് സിപിഎമ്മിന്റെ ബ്രാഞ്ച് കമ്മിറ്റി ഓഫീസ് നിര്മ്മാണം. ചാലംകോട് ക്ഷേത്രത്തിന് സമീപം ഇടവെട്ടി റോഡ് ആരംഭിക്കുന്നിടത്താണ് പഞ്ചായത്തിന്റെയും ഇറിഗേഷന് വകുപ്പിന്റെയും സ്റ്റോപ്പ് മെമ്മോ ലംഘിച്ച് അധികാരികളെ വെല്ലുവിളിച്ചുകൊണ്ട് സിപിഎം നിര്മ്മാണം നിര്ബാധം തുടരുന്നത്. പഞ്ചായത്ത് അധികൃതര് പോലീസില് പരാതി നല്കിയെന്നു പറയുമ്പോഴും ഇവിടെ നിര്മ്മാണം തുടരുകയാണ്. നിര്മ്മാണം തടയാത്തതിന് കാരണം എല്ഡിഎഫ് – യുഡിഎഫ് അവിശുദ്ധ കൂട്ടുകെട്ടാണെന്നു
ം ആരോപണം ഉയരുന്നുണ്ട്. വരും ദിവസങ്ങളിലെ അവധി മുന്നില് കണ്ടാണ് ഇവിടെ നിര്മ്മാണം തുടരുന്നത്. സിപിഎം ജില്ലാ സെക്രട്ടറി കെ കെ ജയചന്ദ്രന്റെ പേരില് വാങ്ങിയ സ്ഥലത്താണ് അനധികൃത നിര്മ്മാണം നടക്കുന്നത്. സ്ഥലത്തിന്റെ മൂന്ന് അതിരുകളില് ഒരുവശം കനാലാണ്, മറ്റ് രണ്ട് വശങ്ങള് പഞ്ചായത്ത് റോഡും പി ഡബ്ല്യുഡി റോഡുമാണ്. നിലവില് ഇവിടെ വാനംമാന്തി കല്ലുകെട്ടികൊണ്ടിരിക്കുകയാണ്. മൂന്ന് വശങ്ങളില് നിന്ന് മൂന്ന് മീറ്റര് വീതം ഉള്ളിലേക്ക് വലിച്ചുവേണം ഇവിടെ കെട്ടിടം നിര്മ്മിക്കാന്. എന്നാല് ഇത് പാലിക്കാതെയാണ് ഭരണ സംവിധാനങ്ങളെ നോക്കുകുത്തിയാക്കി നിര്ത്തി നിര്മ്മാണം തുടരുന്നത്. പഞ്ചായത്ത് സെക്രട്ടറിയെ വിവരമറിയിച്ചിട്ടും യാതൊരു നടപടിയും ഇക്കാര്യത്തില് എടുക്കുന്നില്ലെന്നും ഇറിഗേഷന് വകുപ്പിലെ എഞ്ചിനീയറെ കാര്യം ധരിപ്പിക്കുന്നതിനായി വിളിക്കുമ്പോള് ഫോണ് ഓഫാക്കി വെച്ചിരിക്കുകയാണെന്നും ബിജെപി ഇടവെട്ടി പഞ്ചായത്ത് ഭരണസമിതി ആരോപിക്കുന്നു. സിപിഎം അനുഭാവിയായ പഞ്ചായത്ത് സെക്രട്ടറി പോലീസില് വിവരമറിയിക്കാന്പോലും തയ്യാറാകുന്നില്ല. അധികൃതര് ഒത്തുകൊണ്ടാണ് ഇവിടെ നിര്മ്മാണത്തിന് അനുമതി കൊടുത്തിരിക്കുന്നതെന്നും ഇവര് ആരോപിക്കുന്നു. പൊതുമരാമത്ത് വകുപ്പും ഈ കാര്യത്തില് അനുമതി നല്കിയിട്ടില്ലായെന്നാണ് അറിയുന്നത്. പണി നടക്കുന്നിടത്ത് സജീവമായി ലോക്കല് കമ്മിറ്റി നേതാക്കള് ഉള്ളതും പോലീസിനെ ഇവിടെ നിന്നും അകറ്റുകയാണ്. പണംവാരിയെറിഞ്ഞ് കൊട്ടിഘോഷിച്ചാണ് ഇവിടെ സഖാവ് എംകെ കൃഷ്ണന്നായര് സ്മാരക മന്ദിരത്തിന്റെ തറക്കല്ല് ഇട്ടത്. നിര്മ്മാണം ആരംഭിക്കുന്നതിന് മുമ്പ് തന്നെ ഇവിടെ സ്റ്റോപ്പ്മെമ്മോ നല്കിയിരുന്നു. ഇത് മറികടന്നാണ് പത്ത് ദിവസത്തിലധികമായി ഇവിടെ നിര്മ്മാണം നടക്കുന്നത്. മാര്ത്തോമയക്ക് സമീപം പാറേകണ്ടം ഭാഗത്തും ഭൂമാഫിയ ഇത്തരത്തില് അനധികൃതമായി നെല്വയലില് കെട്ടിട നിര്മ്മാണം നടത്തിയിരുന്നു. നിലവില് ഇതും സ്റ്റോപ്പ് മെമ്മോ നല്കി നിര്ത്തിച്ചിരിക്കുകയാണ്. ഇലക്ഷന്റെ മറവില് ഇടവെട്ടി പഞ്ചായത്തില് ഇത്തരത്തില് നിരവധി നിര്മ്മാണങ്ങളും വയല് നികത്തലും നടക്കുന്നുണ്ടെങ്കിലും അധികൃതര് ഇതിനുനേരെ കണ്ണടക്കുകയാണെന്ന് ബിജെപി പഞ്ചായത്ത് പ്രസിഡന്റ് കെ ജി സന്തോഷ് പറഞ്ഞു
പ്രതികരിക്കാൻ ഇവിടെ എഴുതുക: