കൂത്തുപറമ്പ്: കേരളത്തിലെ പന്തല്, ഡക്കറേഷന്സ്, ലൈറ്റ് ആന്റ് സൗണ്ട്സ് സാധനങ്ങള് വാടകക്ക് നല്കുന്ന സ്ഥാപന ഉടമകളുടെ സംഘടനയുടെ കേരള സ്റ്റേറ്റ് ഹയര് ഗുഡ്സ് ഓണേഴ്സ് അസോസിയേഷന് 16-ാം ജില്ലാ സമ്മേളനം നാളെ കൂത്തുപറമ്പില് നടക്കും. രാവിലെ 9 മണിക്ക് സിറ്റി ഓഡിറ്റോറിയത്തിലെ ടി.ദാമോദരന് നഗറില് ജില്ലാ ട്രഷറര് കെ.ഹംസഹാജി പതാക ഉയര്ത്തും. തുടര്ന്ന് പ്രദര്ശന സ്റ്റാളുകളുടെ ഉദ്ഘാടനം സംസ്ഥാന ഉപാധ്യക്ഷന് പി.പി.പ്രകാശ് കുമാര് നിര്വ്വഹിക്കും. 10മണിക്ക് ജില്ലാ പ്രസിഡണ്ട് എ.വി.ഗോവിന്ദന്റെ അധ്യക്ഷതയില് നടക്കുന്ന പ്രതിനിധി സമ്മേളനം അസോസിയേഷന് സംസ്ഥാന പ്രസിഡണ്ട് എ.ടി.അഹമ്മദ് കോയ ഉദ്ഘാടനം ചെയ്യും. സമ്മേളനത്തിന്റെ ഭാഗമായി മുന് ജില്ലാസാരഥികളായ സി.അച്ചുതന്, പി.വിശ്വനാഥന് എന്നിവരെ ആദരിക്കും. 4.30ന് കൂത്തുപറമ്പ് സ്റ്റേഡിയത്തിലെ ഒഎന്വി നഗറില് നടക്കുന്ന പൊതുസമ്മേളനം നഗരസഭാ ചെയര്മാന് എം.സുകുമാരന് ഉദ്ഘാടനം ചെയ്യും. സ്വാഗതസംഘം ചെയര്മാന് പി.രവീന്ദ്രന്, ജില്ലാകണ്വീനര് കെ.പി.നാരായണന്, ജില്ലാ ജനറല് സെക്രട്ടറി പി.കെ.സന്തോഷ് കുമാര് തുടങ്ങിയവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: