ചെങ്ങന്നൂര്: അസംഘടിത മേഖലയില് ജോലി ചെയ്തുവരുന്ന ലക്ഷക്കണക്കിന് തയ്യല് തൊഴിലാളികള് ശക്തമായ പ്രക്ഷോഭത്തിലൂടെ നേടിയെടുത്ത ക്ഷേമനിധി ആനുകൂല്യങ്ങള് കാലോചിതമായി വര്ദ്ധിപ്പിക്കണമെന്ന് കേരള തയ്യല് മസ്ദൂര് ഫെഡറേഷന് (ബിഎംഎസ്) സംസ്ഥാന ജനറല് സെക്രട്ടറി വി.വി. ബാലകൃഷ്ണന് ആവശ്യപ്പെട്ടു. ആലപ്പുഴ ജില്ലാ തയ്യല് തൊഴിലാളി മസ്ദൂര് ഫെഡറേഷന് വാര്ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ആനുകൂല്യങ്ങള് വര്ദ്ധിപ്പിക്കുന്ന കാര്യത്തില് കേരളത്തില് മാറിമാറി ഭരിച്ച സംസ്ഥാന സര്ക്കാരോ ക്ഷേമനിധി ബോര്ഡോ തയ്യാറായിട്ടില്ല. അടിയന്തരമായി ആനുകൂല്യങ്ങള് വര്ദ്ധിപ്പിച്ച് നല്കാന് തയ്യാറാകണമെന്നും അദ്ദേഹം ആവശ്യപ്പെട്ടു.
ശാന്താ ഡി. നായര് അദ്ധ്യക്ഷത വഹിച്ചു. ബിഎംഎസ് ജില്ലാ സെക്രട്ടറി സി.ജി. ഗോപകുമാര്, കെ. സദാശിവന്പിള്ള, റ്റി.സി. സുനില്കുമാര്, പ്രഭാദേവി, ബിനാകുമാരി, സുജാത ജഗന്നാഥന്, ദേവരാജന് തുടങ്ങിയവര് പ്രസംഗിച്ചു.
ഭാരവാഹികളായി കെ.സദാശിവന്പിള്ള (പ്രസിഡന്റ്), പ്രഭാദേവി, പി.ഡി. ദേവരാജന് (വൈസ് പ്രസിഡന്റുമാര്), സുജാത ജഗന്നാഥന് (ജനറല് സെക്രട്ടറി), വിജയലക്ഷ്മി, സന്ധ്യ ദേവയാനി (സെക്രട്ടറിമാര്), ബിനാകുമാരി (ഖജാന്ജി) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: