പത്തനംതിട്ട: ജില്ലാ പഞ്ചായത്തിന്റെയും പള്ളിയോട സേവാസംഘത്തിന്റെയും സംയുക്ത ആഭിമുഖ്യത്തില് വഞ്ചിപ്പാട്ട് പരിശീലന കളരി നടത്തും. മദ്ധ്യമേഖലയില്പ്പെടുന്ന കോഴഞ്ചേരി മുതല് ആറാട്ടുപുഴ വരെയുള്ള കരകളിലെ 5 നും 18 നും മദ്ധ്യേ പ്രായമുള്ള കുട്ടികള്ക്കുവേണ്ടിയാണ് പരിശീലന കളരി നടത്തുന്നത്. ഏപ്രില് 1 മുതല് 5 വരെ ആറന്മുള പാഞ്ചജന്യം ഓഡിറ്റോറിയത്തില്വെച്ചാണ് പരിശീലന കളരി. താത്പര്യമുള്ളവര് പള്ളിയോട സേവാ സംഘം ഓഫീസില് പേര് രജിസ്റ്റര് ചെയ്യണം.
സ്വാഗത സംഘ രൂപീകരണ യോഗം പള്ളിയോട സേവാ സംഘം പ്രസിഡന്റ് ഡോ. കെ.ജി. ശശിധരന് പിള്ള ഉദ്ഘാടനം ചെയ്തു. . വൈസ് പ്രസിഡന്റ് കെ.പി. സോമന് അധ്യക്ഷത വഹിച്ചു. സെക്രട്ടറി പി.ആര് രാധാകൃഷ്ണന് നായര് മുഖ്യ പ്രഭാഷണം നടത്തി. സ്വാഗത സംഘ ഭാരവാഹികളായി പ്രസിഡന്റ് ശശീന്ദ്രന് നായര് പഞ്ചവടി, വൈസ് പ്രസിഡന്റ് ഓമനകുട്ടന് നായര്, കണ്വീനര് ആര് ശ്രീകുമാര്, കോര്ഡിനേറ്റര് സി.ആര് വിജയന് നായര്, പബ്ലിസിറ്റി കണ്വീനര് പി ആര്. ഷാജി , കണ്വീനര്മാരായി കെ.ആര് അശോകന്, മോഹനന് നായര്, ശരത് പുന്നംതോട്ടം, സനല്കുമാര് പി.എസ്. എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: