തലശ്ശേരി: കോടിയേരി പാറാലിലെ ശ്രീ തൃക്കൈക്കല് ശിവക്ഷേത്രത്തില് ഭാഗവത സപ്താഹയജ്ഞത്തിനും കൊടിയേറ്റ മഹോത്സവത്തിനും തുടക്കമായി. ഏപ്രില് 10 ന് ഉത്സവം സമാപിക്കും. ഇന്നലെ വൈകുന്നേരം വിഗ്രഹഘോഷയാത്രയും ആചാര്യവരണവും രാത്രി 7 മണിക്ക് ഭാഗവതമാഹാത്മ്യപാരായണവും നടന്നു. സപ്താഹത്തോടനുബന്ധിച്ചുള്ള പാരായണം ഏപ്രില് 3 വരെ ഉണ്ടായിരിക്കും. 4 ന് ശുദ്ധിക്രിയകളും മഹാമൃത്യുഞ്ജയഹോമവും വൈകുന്നേരം സര്പ്പബലി, 5 ന് കാലത്ത് മഹാഗണപതിഹോമം, വൈകുന്നേരം 4 മണിക്ക് കലവറ നിറക്കല് ഘോഷയാത്ര. തുടര്ന്ന് കൊടിയേറ്റം, 6 ന് രാവിലെ 5 മണിക്ക് സമൂഹ പ്രദക്ഷിണം, വൈകുന്നേരം 4 മണിക്ക് ഓട്ടന്തുള്ളല്, തുടര്ന്ന് ഉത്സവാനന്തരം നൃത്തനൃത്യങ്ങള്, 7 ന് രാത്രി 9 മണിക്ക് ഭക്തിഗാനസുധ, 8 ന് രാത്രി 9 മണിക്ക് ചാക്യാര്കൂത്ത്, 10 ന് രാത്രി 9.30 മ് നൃത്തസംഗീത നാടകം, തുടര്ന്ന് കരിമരുന്ന് പ്രയോഗം എന്നിവ നടക്കും. 10 ന് രാവിലെ ആറാട്ടെഴുന്നള്ളത്തും കൊടിമരച്ചുവട്ടില് പറവെക്കല് ചടങ്ങും കൊടിയിറക്കല് കര്മ്മവും നടക്കുന്നതോടെ ഉത്സവം സമാപിക്കും. എല്ലാ ദിവസവും ഉച്ചക്ക് പ്രസാദഊട്ടും ഉണ്ടാരിക്കുമെന്ന് സംഘാടക കമ്മറ്റി ഭാരവാഹികളായ എം.അരവിന്ദാക്ഷന്, പി.രാമചന്ദ്രന്, എം.ഗംഗാധരന്, പി.കെ.പുരുഷോത്തമന്, പി.വി.ജയപ്രകാശ് എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: