ന്യൂദല്ഹി: അറുപത്തി മൂന്നാമത് ദേശീയ ചലച്ചിത്ര പുരസ്കാരങ്ങള് പ്രഖ്യാപിച്ചു. പിക്കുവിലെ അഭിനയത്തിന് അമിതാഭ് ബച്ചനെ മികച്ച നടനായും തനു വെഡ്സ് മനു റിട്ടേണ്സിലെ അഭിനയത്തിന് കങ്കണ റനൗത്ത് മികച്ച നടിയായും തിരഞ്ഞെടുക്കപ്പെട്ടു. എസ്എസ് രാജമൗലി സംവിധാനം ചെയ്ത ബാഹുബലിയാണ് മികച്ച ചിത്രം.
സലിം അഹമ്മദിന്റെ പത്തേമാരി മികച്ച മലയാള ചിത്രമായി തിരഞ്ഞെടുക്കപ്പെട്ടു. മികച്ച സംഗീതത്തിന് എന്നു നിന്റെ മൊയ്തീന് എന്ന ചിത്രത്തിലെ കാത്തിരുന്നു കാത്തിരുന്നു… എന്ന ഗാനത്തിലൂടെ എം. ജയചന്ദ്രന് അര്ഹനായി. പുതുതായി ഏര്പ്പെടുത്തിയ മികച്ച ചലച്ചിത്ര സൗഹൃദ സംസ്ഥാനമെന്ന പുരസ്കാരത്തിന് ഗുജറാത്ത് അര്ഹമായി. ഈ വിഭാഗത്തില് ഉത്തര്പ്രദേശിനും കേരളത്തിനും പ്രത്യേക പരാമര്ശവും ലഭിച്ചു.
നോണ് ഫീച്ചര് വിഭാഗത്തില് അലിയാര്, നീലന്, ക്രിസ്റ്റോ ടോമി എന്നിവര്ക്ക് അവാര്ഡുകള് ലഭിച്ചു. സു സു സുധി വാത്മീകം, ലുക്കാ ചുപ്പി എന്നീ ചിത്രങ്ങളിലെ അഭിനയത്തിന് ജയസൂര്യക്ക് പ്രത്യേക ജൂറി പരാമര്ശം ലഭിച്ചു. സംവിധായകന് രമേശ് സിപ്പി അധ്യക്ഷനായ പതിനൊന്നംഗ ജൂറിയാണ് അവാര്ഡുകള് പ്രഖ്യാപിച്ചത്.
നാലാമത്തെ തവണയാണ് അമിതാഭ് ബച്ചന് മികച്ച നടനുള്ള പുരസ്കാരം ലഭിക്കുന്നത്. നേരത്തെ 1990, 2005,2009 എന്നീ വര്ഷങ്ങളിലാണ് അദ്ദേഹം മികച്ച നടനുളള പുരസ്കാരം നേടുന്നത്. കങ്കണയ്ക്ക് മൂന്നാമത്തെ തവണയാണ് മികച്ച നടിക്കുളള പുരസ്കാരം ലഭിക്കുന്നത്. കഴിഞ്ഞ വര്ഷം ക്വീനിലെ പ്രകടനത്തിന് കങ്കണ മികച്ച നടിയായി തെരഞ്ഞെടുക്കപ്പെട്ടിരുന്നു.
മറ്റു പുരസ്കാരങ്ങള്:
മികച്ച സഹനടന് : സമുദ്രക്കനി
മികച്ച സഹനടി : തന്വി അസ്മി
മികച്ച സംവിധായന് : സഞ്ജയ് ലീലാ ബന്സാലി (ചിത്രം: ബാജിറാവു മസ്താനി)
ഗായിക : മൊണാലി താക്കൂര്
പശ്ചാത്തല സംഗീതം : ഇളയരാജ
മികച്ച സംസ്കൃത ചിത്രം: പ്രിയമാനസം (സംവിധാനം: വിനോദ് മങ്കര)
മികച്ച ബാലതാരം: ഗൗരവ് മേനോന്
മികച്ച കൊറിയോഗ്രഫി: റീമോ ഡിസൂസ
പ്രത്യേക ജൂറി പുരസ്കാരം: കല്ക്കി
മികച്ച വരികള്: വരുണ് റോവര്
പശ്ചാത്തലസംഗീതം: ധാരായ് പദ്പത്റായ്
മികച്ച ഹ്രസ്വചിത്രം: കാമുകി (ക്രിസ്റ്റോ ടോമി)
മികച്ച സംഗീതം: അരുണ് ശങ്കര്
സംവിധാനം: നീലന് (അമ്മ- പ്രത്യേക പരാമര്ശം)
മികച്ച വിവരണം: അലിയാര് (ഗുരുചേമഞ്ചേരി കുഞ്ഞിരാമന് നായര് ഡോക്യുമെന്ററി)
മികച്ച കോസ്റ്റ്യൂം ഡിസൈനര്: പായല് സലൂജ
മികച്ച എഡിറ്റിങ്ങ്: ഡി.കിഷോര് (വിചാരണ)
മികച്ച സംഭാഷണം, തിരക്കഥ: ജൂഹി ചതുര്വേജി, ഇമാന്ചു ശര്മ
മികച്ച ഹിന്ദി ചിത്രം: ദം ലെഗേഗാ ഹൈഷ
മികച്ച തമിഴ് ചിത്രം: വിസാരണൈ
എഡിറ്റിങ് : ടി. ഇ കിഷോര്
കുട്ടികള്ക്കുളള മികച്ച ചിത്രം : ദുരന്തോ
സാമൂഹ്യ പ്രതിബദ്ധതയുള്ള ചിത്രം : വി.കെ പ്രകാശ് (നിര്ണായകം)
പരിസ്ഥിതി ചിത്രം : ഡോ. ബിജു ( വലിയ ചിറകുള്ള പക്ഷി)
പ്രതികരിക്കാൻ ഇവിടെ എഴുതുക: