കോഴിക്കോട്: ഫറോക്ക്, രാമനാട്ടുകര ഭാഗങ്ങളില് കഞ്ചാവ് വില്പ്പന നടത്തുന്നയാളെ ഫറോക്ക് പോലീസ് പിടികൂടി.
പാലക്കാട് സ്വദേശി ശിവദാസനെയാണ് ഫറോക്ക് എസ്ഐ വിപിന് കെ വേണുഗോപാലും സംഘവും ചേര്ന്ന് പിടികൂടിയത്.
സിറ്റി പോലീസ് കമ്മീഷണര്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില് ഫറോക്ക് പോലീസും സ്പെഷ്യല്ഇന്വെസ്റ്റിഗേഷന് സപ്പോര്ട്ടിംഗ് ടീമും ചേര്ന്ന് ആസൂത്രിതമായി നടത്തിയ ഓപ്പറേഷനിലാണ് ഇയാള് പിടിയിലായത്.
ഫറോക്ക് പോലീസ് സ്റ്റേഷനിലെ സിപിഒമാരായ സായീന്ദ്രന്, ഷാജിദ്, ഷൈജിത്ത്, സിറ്റി ഷാഡോ പോലീസിലെ സുധര്മ്മന്, രഞ്ജിത്ത്, എന്നിവരം പ്രതിയെ പിടികൂടിയ സംഘത്തിലുണ്ടായിരുന്നു.
അടുത്ത കാലത്തായി ഫറോക്ക്-രാമനാട്ടുകര ഭാഗങ്ങളില് കഞ്ചാവ്-മയക്കുമരുന്ന് വില്പ്പന കൂടിവരുന്നുണ്ട്. ഫറോക്ക് പോലീസും ഷാഡോപോലീസും ചേര്ന്ന് നടത്തിയ നിരീക്ഷണത്തിന്റെ ഫലമായി കുറഞ്ഞ അളവില് വിദ്യാര്ത്ഥികള്ക്കും മറ്റും വില്പ്പന നടത്തുന്ന നിരവധി പേരെ പിടികൂടിയിട്ടുണ്ട്. ഫറോക്ക്-രാമനാട്ടുകര മേഖലകളിലെ റസിഡന്സ് അസോസിയേഷന്, സന്നദ്ധ സംഘടനകള്, പ്രവര്ത്തകര്, വിദ്യാര്ത്ഥികള് എന്നിവരുടെ സഹകരണത്തോടെ ഇത്തരം ലഹരിവസ്തുക്കള് എത്തിക്കുന്നവര്ക്കും, വില്പ്പനക്കാര്ക്കുമെതിരെ ശക്തമായ നിരീക്ഷണവും നിയമ നടപടികളും സ്വീകരിക്കുമെന്ന് എസ്ഐ അറിയിച്ചു.
പ്രതികരിക്കാൻ ഇവിടെ എഴുതുക: