ചവറ: പന്മന കുടിവെള്ളക്ഷാമം പരിഹരിക്കണമെന്ന് ആവശ്യപ്പെട്ട് ചിറ്റൂര്, മേക്കാട്, വടക്കുംതല വാര്ഡുകളിലെ ബിജെപി പ്രവര്ത്തകര് പന്മന പഞ്ചായത്ത് ഓഫീസ് ഉപരോധിച്ചു. രാവിലെ ഇടപ്പള്ളിക്കോട്ടയില് നിന്നും പ്രകടനവുമായി എത്തിയ പ്രവര്ത്തകര് പഞ്ചായത്ത് ഓഫീസിന്റെ പ്രധാന കവാടം ഉപരോധിക്കുകയായിരുന്നു. ജീവനക്കാരെ ഉള്പ്പെടെ ആരെയും അകത്ത് കടത്തിയില്ല. ഉപരോധ സമരം ജില്ലാപ്രസിഡന്റ് ജി.ഗോപിനാഥ് ഉദ്ഘാടനം ചെയ്തു. കെഎംഎംഎല് കമ്പനി ചിറ്റൂര് വാര്ഡിലേക്ക് അനുവദിച്ച കുഴല്കിണര് ഇവിടെ നിന്നും മാറ്റിസ്ഥാപിക്കാനുളള ശ്രമം തടയുമെന്നും കുടിവെള്ളം ലഭ്യമാക്കുന്നതിന് ഇരുമുന്നണികളും കാട്ടുന്ന അലംഭാവം തുടര്ന്നാല് ബിജെപിയുടെ നേതൃത്വത്തില് ശക്തമായ ജനകീയ പ്രക്ഷോഭം നടത്തുമെന്ന് അദ്ദേഹം പറഞ്ഞു. ബിജെപി പന്മന പഞ്ചായത്ത് ജനറല് സെക്രട്ടറി അശോകന് അദ്ധ്യക്ഷത വഹിച്ചു. ജില്ലാ വൈസ് പ്രസിഡന്റ് മാമ്പുഴ ശ്രീകുമാര്, മണ്ഡലം സെക്രട്ടറി വെറ്റമുക്ക് സോമന്, കര്ഷകമോര്ച്ച ജില്ലാ സെക്രട്ടറി കോളുതറ കൃഷ്ണകുമാര്, വള്ളിക്കീഴ് രാജേന്ദ്രന്, കാവനാട് രാജീവ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: